English | عربی | Kurdî دواهەواڵ
ڕاستەوخۆ  
 
گەوره کۆمپانیایەکی جیهان ئینتەرنێتی سەتەلایەتیی خێرای بێ‌بەرامبەر بۆ عێراق و چەندین وڵاتی دیکه دابین دەکات
2018-01-16 [07:08 AM]

ZNA- هەولێر


 

کۆمپانیایەکی بواری ئینتەرنێت بەنیازه له سێ مانگی دووهەمی ئەمساڵدا، یەکەم ئینتەرنێتی بێ‌بەرامبەر و خێرای سەتەلایەتیی خۆی بخاته بەردەستی بەکارهێنەرانی عێراق و ئەفغانستان و بەشێکی زۆری وڵاتانی ئەفریقا.

 

کۆمپانیای "کوئیکا" رایگەیاندووه، ئامانجی یەکەمی کۆمپانیاکه، دابین کردنی ئینتەرنێتی خێرای سەتەلایتی بۆ وڵاتانی تازە پێگەیشتووه. ئامانجی ئەم کۆمپانیایه رووبەڕوو بوونەوەی نادادپەروەریی ئابووری و کۆمەڵایەتی و دابین کردنی ئینتەرنێت بۆ ئەو ناوچانەیه که له دەست پێڕاگەیشتن به ژێرخانەکانی ئینتەرنێتی، سنووردارن.

 

کۆمپانیای کۆئیکا بەشێک له ئۆپەرەیتۆر(Operator)ی سەتەلایتیی "تالیا"یه.

 

"ئالێن ئەفراسیاب" دامەزرێنەر و سەرۆکی کۆمپانیای کۆئیکا و بەڕێوەبەری گشتیی تالیا دەڵێت: "لەو بڕوایەداین که ئەم کۆمەڵگایانەی هاوسەنگییان نییه، له گەشەی ئابووری و تەکنۆلۆجیا دوا دەکەون. کۆئیکا دەیەوێت لەسەر ئەو بۆشاییه دیجیتالی و ئابووریه، پردێک دروست بکات."

 

ئەفراسیاب ئاشکراشی کرد: "٣ملیار و ٩٠٠ملیۆن کەس(سەدا٥٣ی خەڵک) هێشتا دەستیان به ئینتەرنێت رانەگەیشتووه. زۆربەی ئەو کەسانەش له گوندەکان دەژین و کەسانی هەژارن."

 

کۆئیکا رایگەیاندووه، ئەم ئینتەرنێته لەلایەن چالاکییه بازرگانییەکان پشتیوانی دەکرێت و بۆ هەموو کەس بەردەست دەبێت. هەرچەنده لەوانەیه بۆ دەست پێڕاگەیشتن بەم ئینتەرنێته ئامێرێکی بوێت که دەبێت بەکارهێنەر خۆی بیکڕێت.

 

دەیتای ئینتەرنێتی ئەم سەتەلایەتی لەسەر Ka-band پێناسه کراوه.

 

کۆمپانیای گوگڵ که پێشتر لەسەر ئینتەرنێتی بێ‌بەرامبەر کاری کردبوو، ئێستا له رێگەی کۆمەڵێک باڵۆنەوه له هەندێک وڵاتی وەکو "پۆرتۆریکۆ" به شێوەی تاقی‌کردنەوه و سنووردار ئەم ئینتەرنێتەی دەستەبەر کردووه.

 

هەروەها پێشتریش فەیس‌بووک باسی له دامەزراندنی ئینتەرنێتی سەتەلایەتی کردبوو، بەڵام زانیاریی نوێی بڵاو نەکردۆتەوه.

 

ئەو وڵاتانەی دەکەونه ژێر رووماڵی ئینتەرنێتی بێ‌بەرامبەری کۆئیکا بریتین له: عێراق، ئەفغانستان، کۆماری دیموکراتیی کۆنگۆ، لیبیا، مالاوی، نامیبیا، عێراق، کۆماری کۆنگۆ، سەنیگال، سوازیلەند، تۆگۆ، زامبیا، ئەنگۆلا، بوتسڤانا، کامیرۆن، گانا، لێسوتۆ، مۆزەبیک، نەیجیریا، ساحل عاج، روئاندا، ئەفریقای باشوور، تانزانیا، تونس و زیمبابوێ.

 

Euronews





ئەم هەواڵە 44272جار خوێندراوەتەوە
 
 
ڤیدیۆ گەلەری
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
كوشتنی به‌رێوه‌به‌ری پاسه‌پۆرتی پارێزگای بابل
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad