English | عربی | Kurdî دواهەواڵ
ڕاستەوخۆ  
 
پەیامی پیرۆزبایی سەرۆک بارزانی به‌بۆنه‌ی ساڵیادی دامه‌زراندنی كه‌ناڵی ئاسمانیی کوردستان
2018-01-16 [09:35 AM]

ZNA-ھەولێر


ئەمەش دەقی پەیامەکەیە:

 

به‌ ناوی خوای مه‌زن و دلۆڤان

 

به‌رێزان بەڕێوەبەری گشتی و دەستەی بەڕێوەبردن و سەرجەم كارمەندانی دەزگای سەتەلایتی كوردستان

لە نۆزەیەمین ساڵیادی دامه‌زراندنی كه‌ناڵی ئاسمانیی كوردستان تی ڤیدا، گه‌رمترین پیرۆزبایی له‌ ئێوه‌ی بەڕێز و خۆشه‌ویست ده‌كه‌م و هیوای بەردەوامی و پێشکەوتنی زیاترتان بۆ دەخوازم.

 

كه‌ناڵی ئاسمانیی كوردستان تی ڤی وێڕای ئەوەی یه‌كه‌مین کەناڵی ته‌له‌فزیۆنی ئاسمانیی كوردستان و عێراقە، لەهەمان کاتدا لەڕووی پابەندبوون بە ئەرکی نەتەوەیی و نیشتیمانی و گەیاندنی پەیامی ئاشتی و پێکەوەژیان و دەنگی ڕەوای بزاڤی ڕزگاریخوازانەی گەلەکەمان، هەر لە سەرەتاوە تا ئێستا لە پێشەنگدایە و ئەوەیش شانازییەکی گەورەیە بۆ میدیای کوردستان.

ئێستایش کە کوردستان تیڤی و زاگرۆس تیڤی لەژێر چەتری دەزگای سەتەلایتی کوردستاندا یەکیان گرتووە، چاوەڕێی ئەوەتان لێ دەکرێت لە ئاستی گۆڕانکارییە خێراکانی بواری گەیاندنی پەیامدا بن و ڕۆڵی پێشمەرگانەی خۆتان لە گەیاندنی دەنگی رەوای گەلەکەمان بگەیەنن و بەرگریی لە ڕەوایەتیی خواست و ئیرادەی گەلەکەمان بکەن و وەک ڕابردوو لە بڵاوکردنەوەی هوشیاری و خۆشویستنی وڵات و گیانی برایەتی و لێبووردەیی بەردەوام بن و هەر لە پێشەنگدا بمێننەوە.

 

دەستخۆشیتان لێ دەکەم و هیوای سەرکەوتن و پێشکەوتنی زیاترتان بۆ دەخوازم.

 

مسعود بارزانی

١٦ـی١ـی٢٠١٨





ئەم هەواڵە 2425جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad