English | عربی | Kurdî دواهەواڵ
ڕاستەوخۆ  
 
پەرلەمانی کوردستان بڕیارەکەی پەرلەمانی ئەرمینیای سەبارەت به بەجینۆسایدناساندنی کۆمەڵکوژیی ئێزدییان بەرز نرخاند
2018-01-17 [06:57 AM]

ZNA- هەولێر


 

جێگری سەرۆکی پەرلەمانی کوردستان ڕایگەیاند، بڕیاری پەرلەمانی ئەرمینیا لەبارەی بەجینۆسایدناساندنی تاوانەکانی دژ بە ئێزدییەکان، بڕیارێکی مێژوویی و زۆر گرینگە.

 

دەربارەی بڕیاری پەرلەمانی ئەرمینیا سەبارەت بە بەجینۆسایدناساندنی ئەو کۆمەڵکوژییەی کە تیرۆریستانی داعش دژ بە ئێزدییەکان ئەنجامیان داوە، جێگری سەرۆکی پەرلەمانی کوردستان لە راگەیێندراوێکدا خۆشحاڵیی پەرلەمانی کوردستانی بەرانبەر ئەم بڕیارەی دەربڕی.

 

ئیمێنکی، لە ڕاگەیێندراوەکەدا کە وێنەیەکی بۆ ماڵپەڕی فەرمیی پارتی دیموکراتی کوردستان نێردراوە، گوتی، "بە ناوی خۆمان و پەرلەمانی کوردستانەوە، خۆشحاڵیی خۆمان دەردەبڕین بەرانبەر بڕیاری پەرلەمانی وڵاتی ئەرمینیا سەبارەت بە بەجینۆسایدناساندنی ئەو کۆمەڵکوژییەی کە تیرۆریستانی داعش ھەر لە رۆژی ٣/٨/٢٠١٤ـەوە و رۆژانی دواتریش دژ بە ئێزدییەکان لە شنگال و ناوچەکانی دیکەی کوردستان ئەنجامیان داوە".

 

جێگری سەرۆکی پەرلەمانی کوردستان ھەروەھا ئاماژەیشی دا، "ئەم بڕیارەی پەرلەمانی ئەرمینیا، بە بڕیارێکی مێژوویی و زۆر گرینگ لە قەڵەم دەدەین و بە دەستپێکێکی ئەرێنیی دەزانین بۆ ئەوەی ئەم کەیسە لەسەر ئاستی نەتەوە یەکگرتووەکان و کۆمەڵگەی نێودەوڵەتی و پەرلەمانەکانی ھەموو وڵاتان پشتیوانیی لێ بکرێت و ئەو تاوانە بە جینۆساید بناسێنرێت".





ئەم هەواڵە 964جار خوێندراوەتەوە
 
 
ڤیدیۆ گەلەری
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
لە پەخشی راستەوخۆی گێچەڵی سێکسی پێدەکرێت
خەونی ھەمو ئافرەتێک , کەسێکی ئاوای ھەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad