English | عربی | Kurdî دواهەواڵ
ڕاستەوخۆ  
 
ئه‌مه‌ریكا پشتگیرى له‌ دیالۆگێكی جددیی هه‌ولێر ــ به‌غدا ده‌كات
2018-01-17 [10:45 AM]

ZNA-هەولێر


ئێواره‌ی ئه‌مڕۆ چوارشه‌ممه‌ 17/1/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێزان برێت مه‌كگۆرگ نێرده‌ى سه‌رۆكى ئه‌مه‌ریكا بۆ شه‌ڕی دژی داعش و ئه‌ندریۆ پیك یاریده‌ده‌ری جێگری وه‌زیری ده‌ره‌وه‌ی ئه‌مه‌ریكا و دۆگلاس سیلیمان باڵیۆزی ئه‌مه‌ریكا له‌ عێراق و شاندێكی یاوه‌ریان كرد.

له‌ دیدارێكدا كه‌ به‌ڕێز قوباد تاڵه‌بانی جێگری سه‌رۆك وه‌زیرانی هه‌رێمی كوردستان ئاماده‌ی بوو، شاندی میوان خۆشحاڵیی خۆیان به‌ كه‌مبوونه‌وه‌ی گرژییه‌كان و دیدار و كۆبوونه‌وه‌ ئه‌رێنییه‌كانی نێوان هه‌ولێر و به‌غدا ده‌ربڕی و هیوایان خواست كۆبوونه‌وه‌كان به‌رده‌وام بن به‌مه‌به‌ستی گه‌یشتن به‌ ئه‌نجامێكی گونجاو به‌تایبه‌تی له‌سه‌ر پرسی فڕۆكه‌خانه‌، مووچه‌ و پێداویستییه‌كانی دیكه‌ی هه‌رێم.

شانده‌كه‌ پشتگیریی خۆیان بۆ ئه‌م هه‌نگاوانه‌ و گفتوگۆیه‌كی جددی له‌نێوان هه‌ردوولادا نیشان دا و جه‌ختیان له‌سه‌ر په‌یوه‌ندییه‌كانی نێوان ئه‌مه‌ریكا و هه‌رێمی كوردستان و به‌رده‌وامیى هاوكاری و پشتگیریى هه‌رێمی كوردستان كرده‌وه‌، هه‌روه‌ها لایه‌نگریی خۆیان بۆ پرۆسه‌ی سیاسی و هه‌ڵبژاردن له‌ هه‌رێمى كوردستان ده‌ربڕی.

لای خۆیه‌وه‌ به‌ڕێز نێچیرڤان بارزانى وێڕاى سوپاسكردنی ڕۆڵی هاوپه‌یمانان كه‌ ساڵانی ڕابردوو به‌ سه‌رۆكایه‌تیی ئه‌مه‌ریكا له‌ شه‌ڕی دژی داعشدا ڕۆڵیكى گه‌وره‌یان گێڕا، به‌ پێویستی زانی هاوپه‌یمانان له‌ هاندانی هه‌ولێر و به‌غدا به‌رده‌وام بن بۆ چاره‌سه‌ركردنی كێشه‌كان، هه‌روه‌ها خۆشحاڵیی خۆی بۆ كۆبوونه‌وه‌كانی چه‌ند ڕۆژی ڕابردووی نێوان تیمه‌كانی هه‌ولێر و به‌غدا ده‌ربڕی كه‌ چه‌ند هه‌نگاوێكی باش چوونه‌ته‌ پێشه‌وه‌. به‌ڕێزیان ئه‌مه‌ى به‌ هه‌نگاوێكی جددی له‌ قه‌ڵه‌م دا و هیوای خواست كۆبوونه‌وه‌كان بگه‌نه‌ ئه‌نجامێك كه‌ له‌ به‌رژوه‌ندیی عێراق و هه‌رێمی كوردستاندا بێت.

سه‌باره‌ت به‌ بارودۆخی ناوخۆى هه‌رێمى كوردستانیش، به‌ڕێز سه‌رۆك وه‌زیران دووپاتی كرده‌وه‌ كه‌ په‌یوه‌ندی و دیالۆگی جددی له‌نێوان هێزه‌ سیاسییه‌كانی هه‌رێمی كوردستاندا هه‌بووه‌ و هه‌وڵی هه‌موو لایه‌ك بۆ ئه‌وه‌یه‌ هه‌ڵبژاردن ئه‌نجام بدرێت.

تاوتوێكردنی چه‌ند بابه‌تێكی په‌یوه‌ست به‌ په‌یوه‌ندییه‌ دووقۆڵییه‌كان و پێشهاته‌كانی ناوچه‌كه‌ و ڕۆژهه‌ڵاتی ناوه‌ڕاسته‌وه‌، لایه‌نێكی دیكه‌ی دیداره‌كه‌ بوو.





ئەم هەواڵە 2824جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad