English | عربی | Kurdî دواهەواڵ
ڕاستەوخۆ  
 
حکومەتی ئه‌مريكا لەکارکەوت
2018-01-20 [09:37 AM]

ZNA-هەولێر


به‌هۆى رێكنه‌كه‌وتنى كۆمارييه‌كان و ديموكراتييه‌كان له‌سه‌ر بوودجه‌ له‌ كۆنگرێس، حکومەتی ئەمریکا کاتژمێر 12:00 بە کاتی ئەمریکا و 08:00ـی بەیانی ئەمڕۆ (شەممە، 20-1-2018 بەکاتی هەولێر) لەکارکەوت.


ئەمەش روون نییە کە لەکارکەوتنی حکومەتی فیدراڵی ئەمریکا چەند درێژە دەکێشێت، بەڵام تاوەکو ئەوکاتەی چالاک دەکرێتەوە، کارمەندانی حکومەت دەنێردرێنەوە ماڵەوە.


په‌ككه‌وتنى حکومەت له‌ ئەنجامی ئەوە بوو کە پڕۆژەی کاتیی خەرجییەکان کە لەلایەن ئەنجومەنی نوێنەرانەوە بەرزکرابوویەوە، لە ئەنجومەنی پیران دەنگی پێویستی نەهێنا.
هەروەها ئەگەر پڕۆژەکە دەنگی بهێنایە دەتوانرا بە شێوەیەکی کاتی و تاوەکو 16ـی شوبات بودجە بۆ دامەزراوە حکومییەکان دابین بکرێت، بەڵام دیموکراتەکان دەنگیان بە پڕۆژەکە نەدا و پڕۆژەکە نەیتوانی دەنگی پێویست بە دەست بهێنێت.

 

دۆناڵد ترامپ، سەرۆکی ئەمریکا، پێشتر هۆشداری دابوو لەوەی کە په‌ككه‌وتنى حکومەت کاریگەریی نەرێنیی بۆ سەر سوپای وڵاتەکەی و ئاسایشی سنوورەکانی باشووری ئەمریکا دەبێت.





ئەم هەواڵە 1045جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad