English | عربی | Kurdî دواهەواڵ
ڕاستەوخۆ  
 
بەغدا پشت لە ئاوارەكانی مووسڵ دەكات
2018-01-22 [10:17 AM]

ZNA-هه‌ولێر


دوای ئەوەی حکومەتی عێراق ھاوکارییەکانی بۆ سەر ئاوارەکانی مووسڵ راگرت، ئێستا ئاوارەکانی نیشتەجێی کەمپی حەسەن شام، گلەیی لە حکومەتی عێراق دەکەن و دەڵێن، تەنھا حکومەتی ھەرێمی کوردستان، بەدەم داواکانیانەوە دەچێت و پێداویستییەکانیان بۆ دابین دەکات.

دایکی محەمەد، ژنێکی ئاوارەی نیشتەجێی کەمپی حەسەن شامە ئەو دەڵێت: "داوا لە حکومەتی عێراق دەکەین ھاوکاریمان بکات، چونکە لەبارودۆخێکی خراپ دەژین و پێویستمان بە ھاوکارییە، تەنیا سەرۆک مەسعوود بارزانی، ھاوکاریمان دەکات".

بە گوێرەی ئاماری حکومەتی عێراق تا ئێستا ٦ ملیۆن ئاوارە کە بەھۆی شەڕی داعش ماڵ و حاڵیان جێ ھێشتبوو، گەڕاونەتەوە ناوچەکانی خۆیان، لەلایەکی دیکە وەزارەتی کۆچ و کۆچبەرانی عێراق ئاشکرای کردووە، تەنھا ٤٠% ئاوارەکان گەڕاونەتەوە سەر ماڵەکانیان.

ئاوارەیەکی دیکەی کەمپی حەسەن شام، بەناوی محەمەد عەلی، بە کوردستان٢٤ گوت: "رەوشی ئێمە لە کەمپ زۆر خراپە، لەبەر ئەوەی حکومەتی عێراق ھەر رۆژە و بەجۆرێک مامەڵەمان لەگەڵ دەکات، رۆژێک ھاوکاریمان دەکات و رۆژێکی دیکە لێمان دەبڕێت، ئەگەر وەک فشار وامان لێدەکەن تا بگەڕێینەوە بۆ ناوچەکانمان، ئێستا ناوچەکانی ئێمە وێرانکراون بگەڕێینەوە سەرچی؟".





ئەم هەواڵە 979جار خوێندراوەتەوە
 
 
ڤیدیۆ گەلەری
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad