English | عربی | Kurdî دواهەواڵ
ڕاستەوخۆ  
 
گەنجێک تەواوی ئەندامانی خێزانەکەی دەکوژێت 
2018-01-22 [03:50 AM]

ZNA- ھەولێر 


 
لە تاوانێکی کارەساتبار گەنجێک ھەستاوە بە کوشتنی دایک و باوکی و دووبراکەی و تەرمەکانیشی فڕێداون. 


گەنجێک لە پارێزگای ھەڵەبجە تەواوی ئەندامانی خێزانەکەی (دایک ‌و باوک ‌و دوو برای) لەکاتی خەودا دەکوژێت. بەڕێوەبەری پۆلیسی ھەڵەبجە دەڵێت لە رۆژی ھەینییەوە تاوانەکەی ئەنجامداوە و ئێوارەی دوێنێ ئاشکرابووە، بە ئۆتۆمبێلی باوکیشی تەرمەکانی گواستوونەتەوە و لە شوێنی جیاجیا فڕێیداون.

عەمید کازم عەبدوڵڵا، بەڕێوەبەری پۆلیسی ھەڵەبجە رایگەیاند: "ئێوارەی رۆژی یەکشەممە ٢١-١-٢٠١٨، ھەواڵمان پێگەیشت کە گەنجێکی تەمەن ١٩ساڵ بەناوی (ک. م) لەکاتی خەودا بە چەکی کڵاشینکۆف دایکی ‌و دوو برای کوشتوون، دواتر باوکیشی کوشتووە".

بەڕێوەبەری پۆلیسی ھەڵەبجە زانیاری زۆرتری لەبارەی رووداوەکە ئاشکراکرد و گوتی: "گەنجەکە  رۆژی ھەینی ١٩ی ئەم مانگە ئەندامانی خێزانەکەی کوشتوون، بەڵام ئێوارەی رۆژی یەکشەممە ٢١-١-٢٠١٨ ئاشکرابووە، ئەویش کاتێک تەرمەکان دۆزراونەتەوە، چونکە ئەو گەنجە بۆ شاردنەوەی تاوانەکەی بە ئۆتۆمبێلەکەی باوکی تەرمەکانی گواستوونەتەوە و لە شوێنی جیاجیا فڕێیداون، دوای گەڕان ‌و پشکنێکی زۆر شەوی رابردوو ھەموو تەرمەکانمان دۆزینەوە".

بەڕێوەبەری پۆلیسی ھەڵەبجە ئاشکرای کرد کە توانیویانە گەنجەکە دەستگیربکەن. گوتیشی: "بکوژەکە دانی بە تاوانەکەیدا ناوە و بەپێی لێکۆڵینەوە سەرەتاییەکان ھۆکاری رووداوەکە کێشەیەکی کۆمەڵایەتی بووە".

 

 


سەرچاوە /  رووداو 
 





ئەم هەواڵە 3406جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad