English | عربی | Kurdî دواهەواڵ
ڕاستەوخۆ  
 
نێچیرڤان بارزانی: سەبارەت به موچە و نەوت و فڕۆکەخانەکان لەگەڵ بەغدا گفتوگۆمان کردووە و تا گەیشتن بە چارەسەر بەردەوام دەبین
2018-01-22 [04:07 AM]

ZNA- هەولێر


 

سەرۆک وەزیرانی هەرێمی کوردستان "نێچیرڤان بارزانی" رایگەیاند: "لەو سەردان و دیدارانەی بەغدا و تاران، ھیچ رێککەوتنێک واژۆ نەکراوە ‌و ئێمە کارمان لەسەر باشکردنەوەی پەیوەندییەکانی نێوانمان کردووە".

 

نێچیرڤان بارزانی سەرۆکی حکوومەتی ھەرێمی کوردستان، پاش گەڕانەوەیان لە تاران گۆنگرەیەکی رۆژنامەوانی سازکرد و ئەنجامی کۆبوونەوە و دیدارەکانی لە بەغدا و تاران خستەڕوو.

 

سەرۆکی حکومەت باسی دیداری نێوان سەرۆکوەزیرانی عێراق و شاندی ھەرێمی کوردستان کرد و گووتی: "باسی سەردانی شاندەکانی ھەرێم و بەغدامان بۆ لای یەکتری کردووەتەوە ‌و تەئکیدمان لەسەر چارەکردنی کێشەکان بەگوێرەی دەستووری عێراق کردووەتەوە".

 

راشیگەیاند: "دەربارەی مووچە و نەوت و فڕۆکەخانەکان گفتوگۆمان کردووە و لیژنەی پەیوەندیداریان بۆ دیاریکراوە تا گەیشتن بە چارەسەر بەردەوام دەبین".

 

نێچیرڤان بارزانی راشیگەیاند: "ئێمە لەگەڵ بەغدا رێگاکانی چارەسەرکردنمان دیاریکردووەو واژۆکراون، بەڵام وەکو رێککەوتنێک ھیچ رێککەوتنێک نەکراوە ".

 

ئەوەشی گوت، سەردانیان بۆ بەغدا دەرئەنجامی چەند پەیوەندییەکی تەلەفۆنی بوو لە نێوان ئەو و عەبادیدا.

 

ھەروەھا دەربارەی سەردانی شاندی حکوومەتی ھەرێم و کوردستان و دیدارەکانیان لەگەڵ گەروە بەرپرسانی ئێران گوتی: "لەگەڵ سەرۆککۆمار و بەرپرسانی باڵای ئێران باسی رۆڵی کاریگەری ئەو وڵاتەمان لە چارەکردنی کێشەکانی عێراق و ھەرێمی کوردستان لە چوارچێوەی دەستووردا و پەیوەندییە ئابووری و بازرگانییەکانی نێوان ئیران و ھەرێمی کوردستان کردووە".

 

لەبارەی کاتی دەستپێکردنەوەی گەشتە نێودەوڵەتییەکانی فڕۆکەخانەکان سەرۆکی حکوومەت گووتی: "تا ئێستا ھیچ وادەیەک بۆ کردنەوەی فڕۆکەخانەکان دیاری نەکراوە، بەڵام سەردانەکان دەستپێکێکی باشە و لیژنەکانیش کار بۆ چارەکردنی کێشەکان دەکەن، بەتایبەتی ئێستا کار لەسەر مووچەی دوو وەزارەتی گرینگ دەکرێت".

 

هەروەها گوتی: "نەک تەنیا وەزارەتەکانی پەروەردە و تەندروستی، بەڵکو باسی مووچەی وەزارەتەکانی دیکەشمان کرد، بەڵام ئەوەی گرنگە با ھی ئەو دوو وەزارەتە تەواو ببێت، ھیوادارین ھی ئەوانی دیکەش بگرێتەوە".

 

نێچیرڤان بارزانی ئەوەشی خستەڕوو، "کۆماری ئیسیلامی ئێران دراوسێی ئێمەیەو قەد مەعقول نییە ھێزێک لە ناو خاکی ھەرێمی کوردستانەوە بچێتە ئێران و چالاکی سەربازی بکات و بگەڕێتەوە بۆ ھەرێمی کوردستان، ئێمە نابێت ساحەی ھەرێم بکەینە ساحەی ئۆپەراسیۆن دژی وڵاتانی دراوسێ، داواش لەو ھێزانە دەکەین رێزی یاساکانی ھەرێمی کوردستان بگرن".

گوتیشی: "پەیوەندییەکانمان لەگەڵ ئەمریکا پەیوەندییەکی باشە و پێش سەردانمان بۆ بەغدا لەگەڵ مەکگۆرک و بەرپرسانی دیکە کۆبووینەتەوەو پەیوەندییەکانمان باشن".

 

نێچیرڤان بارزانی کە یەکێک لە بەشداربووانی کۆڕبەندی ئابووریی داڤۆسە و لە سبەی سێشەممە ٢٣-١-٢٠١٨ دەستپێدەکات و سێ رۆژ دەخایەنێت، ئاشکرای کرد کە جارێکی لەگەڵ عەبادی کۆدەبێتەوە و چاوی بە وەزیری نەوتی عێراقیش دەکەوێت، کۆبوونەوەکانیش بەردەوامیدان دەبن بە کۆبوونەوەکانی رابردوو.

 

نێچیرڤان بارزانی گوتی: "لەو سەردان و دیدارانەی بەغدا و تاران، ھیچ رێککەوتنێک واژۆ نەکراوە ‌و ئێمە کارمان لەسەر باشکردنەوەی پەیوەندییەکانی نێوانمان کردووە".

 

سەبارەت بە چارەکردنی کێشەکانی کەرتی نەوت، سەرۆکی حکوومەت گوتی: "دوو جۆر چارەسەر ھەیە، یەکێکیان پەیوەستە بە ئێستاوە کە کاری لەسەر دەکرێ و یەکێکی دیکەیان چارەسەری بنەڕەتییە کە پێویستی بە کۆبوونەوەی زیاتر و ماوەی زۆرتر ھەیە تا بگەینە چارەسەرێک کە لە بەرژەوەندی ھەولێر و بەغدا بێت".

 

لەبارەی ھەڵوێستیشان لەسەر عەفرین نێچیرڤان بارزانی گوتی: "ئەوەی لە عەفرین روودەدات جێی نیگەرانی گەورەی ھەرێمی کوردستانە و ھیوادارین و داوادەکەین بەزووترین کات بە کەمترین زیان بگەنە رێککەوتن، نیگەرانی گەورەی ئێمە ئەو مەدەنییانەن کە لە عەفریندان".





ئەم هەواڵە 496جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad