English | عربی | Kurdî دواهەواڵ
ڕاستەوخۆ  
 
داوا لە ئەلمانیا دەكرێت فرۆشتنی چەك بە توركیا رابگرێت
2018-01-24 [09:50 AM]

ZNA – هەولێر


حکومەتى ئەڵمانیا روبەڕووى چەند داواکارییەک بووەتەوە بۆ وەستاندنى هەناردەکردنى چەک بۆ تورکیا، دواى ئەو راپۆرتانەى باسیان لە وەکرد کە سوپاى تورکیا لە هێرشکردنە سەر عەفریندا تانکى لیوباردى ئەڵمانى بەکارهێناوە.

بەپێی میدیاکانى ئەڵمانیا، ژمارەیەک لە سیاسەتمەدارانى ئەڵمانیا داوایان کردووە هەر گرێبەستێکى فرۆشتنى تانک بە تورکیا هەیە رابگیرێت.

ئەو مشتومڕە دواى دوو هەفتە دێت لە کۆبوونەوەى وەزیرانى دەرەوەى تورکیا و ئەڵمانیا، کە تێیدا جەختیان لەسەر بەرەوپێشبردنى پەیوەندییە دوو قۆڵییەکانى هەردوو وڵات کردەوە، دواى گرژبوونى پەیوەندییەکانیان لەساڵانى رابردوودا.

بەپێی راپۆرتەکان، بەرلین لەئان و ساتى رەزامەندى نواندندایە لەسەر داوایەکى تورکیا بۆ کڕینى چەک لە کۆمپانیاى راينميتالى ئەڵمانى بەئامانجى باشکردنى سیستمى بەرگرى تانکى لیوبارد ٢ بەشێوەیەک کە زیاتر بەرگەى تەقینەوە بگرێت.

هەرچەندە پێدەچێت تورکیا ئەو جۆرە تانکە ئەڵمانیەى لەدژى داعش بەکارهێنابێ، بەڵام بەپێی میدیاکانى ئەڵمانیا شارەزایانى بەرگرى دەڵێن وێنەکانى ئەم دواییەى ئۆپەراسیۆنى لقى زەیتون دەریدەخات کە ئەو جۆرە تانکە دژى شەڕڤانانى کورد بەکارهێنراوە

سیاسەتمەدارانى چەپ و راستى ئەڵمانیا لەئێستادا دژایەتى خۆیان بۆ گرێبەستى گەشەپێدانى تواناى ئەو تانکانە نیشانداوە، داوایان لە حکومەت کردووە هەڵوێستى خۆى روونبکاتەوە لەبارەى هێرشى تورکیا بۆ سەر عەفرین.

 





ئەم هەواڵە 1168جار خوێندراوەتەوە
 
 
ڤیدیۆ گەلەری
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
لە پەخشی راستەوخۆی گێچەڵی سێکسی پێدەکرێت
خەونی ھەمو ئافرەتێک , کەسێکی ئاوای ھەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad