English | عربی | Kurdî دواهەواڵ
ڕاستەوخۆ  
 
سەرۆک بارزانی: ئەگەر دەستوور جێبەجێ کرابا ھەرگیز عێراق بەو ڕۆژەی ئێستا نەدەگەییشت
2018-01-24 [05:24 AM]

ZNA- هەولێر


 

سەرۆک بارزانی لە کۆبوونەوەیەدا لەگەڵ فراکسیۆنی پارتی لە بەغدا، جەختی لە ڕەوایەتی و ئاشتیانەبوونی ڕیفراندۆم کردەوە کە مافێکی ئاسایی و یاسایی و دەستووری گەلی کوردستان بووە و ئاماژەیشی بەوەدا کە پێشێلکردنی دەستوور و تەوافوق و شەراکەت و نانبڕینی خەڵکی کوردستان بوو کە ھانی گەلی کوردستانی دا کە ڕیفراندۆم ئەنجام بدەن و ئەگەر دەستوور جێبەجێ کرابا ھەرگیز عێراق بەو ڕۆژەی ئێستا نەدەگەییشت.

 

ئەمڕۆ لە سەلاحەددین سەرۆک مەسعوود بارزانی لەگەڵ فڕاکسیۆنی پارتی دیموکراتی کوردستان لە ئەنجوومەنی نوێنەرانی عێراق کۆبۆوە

 

لەو کۆبوونەوەیەدا سەرۆک و ئەندامانی فڕاکسیۆنی پارتی دیموکراتی کوردستان لە ئەنجوومەنی نوێنەرانی عێراق کورتەیەکیان لەبارەی ڕەوشی سیاسیی عێراق و بابەتی ھەڵبژاردنەکان و ھاوکێشە سیاسییەکانی ناو ئەنجوومەنی نوێنەرانی عێراقیان خستەڕوو.

 

ھەروەھا ڕا و سەرنج و پێشنیاری خۆیان لەبارەی چۆنیەتی کارکردن و دانانی چوارچێوەی پێویست بۆ مامەڵەکردن لەگەڵ پێشھاتەکان و پەیوەندی لەگەڵ لایەنە سیاسییەکان بۆ سەرۆک بارزانی باس کرد. ھەر لەو کۆبوونەوەیەدا سەرۆک بارزانی وتەیەکی پێشکەش کرد و تێیدا ڕۆشنایی خستەسەر دوایین پێشھاتە سیاسییە ناوخۆیی و ھەرێمایەتی و دەولییەکان و ھەڵوێستی وڵاتانی ناوچە و جیھان لەمەڕ ھەرێمی کوردستان و وردەکاریی ڕووداوەکانی ١٦ـی ئۆکتۆبەری شی کردەوە. پەیوەست بە بابەتی ڕیفراندۆمیش سەرۆک بارزانی جەختی لە ڕەوایەتی و ئاشتیانەبوونی ڕیفراندۆم کردەوە کە مافێکی ئاسایی و یاسایی و دەستووری گەلی کوردستان بووە و ئاماژەیشی بەوەدا کە پێشێلکردنی دەستوور و تەوافوق و شەراکەت و نانبڕینی خەڵکی کوردستان بوو کە ھانی گەلی کوردستانی دا کە ڕیفراندۆم ئەنجام بدەن و ئەگەر دەستوور جێبەجێ کرابا ھەرگیز عێراق بەو ڕۆژەی ئێستا نەدەگەییشت.

 

لە درێژەی کۆبوونەوەکەدا سەرۆک بارزانی لەبارەی مامەڵەکردن لەگەڵ پێشھاتەکان و پەیوەندی لەگەڵ لایەنە سیاسییەکان ئامۆژگاری و ڕێنوێنیی پێویستی بۆ ئەندامانی فڕاکسیۆنی پارتی دیموکراتی کوردستان لە ئەنجوومەنی نوێنەرانی عێراق خستەڕوو.

 

Kdp





ئەم هەواڵە 187جار خوێندراوەتەوە
 
 
ڤیدیۆ گەلەری
ھەڵوێستێکی جوانی محەمەد سەڵاح
خاڵ بەدەستھێنان ئاوا دەبێت
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad