English | عربی | Kurdî دواهەواڵ
ڕاستەوخۆ  
 
نێچیرڤان بارزانى له‌گه‌ڵ سه‌رۆك وه‌زیرانى ئه‌رمینیان كۆبوووه‌
2018-01-24 [10:03 AM]

ZNA-هەولێر


هه‌ر له‌ په‌راوێزى به‌شداریكردنى له‌ كۆڕبه‌ندیى ئابووریى جیهاندا له‌ داڤۆس، پێشنیوه‌ڕۆى ئه‌مڕۆ چوارشه‌ممه‌ 24/1/2018 به‌ڕێز نێچیرڤان بارزانى سه‌رۆك وه‌زیرانى هه‌رێمى كوردستان له‌گه‌ڵ به‌ڕێز كارن كاراپێتیان سه‌رۆك وه‌زیرانى ئه‌رمینیا كۆبووه‌وه‌.

هه‌ردوولا خۆشحاڵیى خۆیان بۆ ده‌رفه‌تى ئه‌م دیداره‌ ده‌ربڕى و جه‌ختیان له‌ په‌ره‌پێدانى په‌یوه‌ندییه‌كانى ئه‌رمینیا له‌گه‌ڵ هه‌رێمى كوردستان و عێراق كرده‌وه‌، به‌تایبه‌تیش له‌و بوارانه‌دا كه‌ بۆ هه‌ردوولا مایه‌ى بایه‌خن وه‌ك ژێرخان و وزه‌ و ئابوورى و ئه‌و بوارانه‌ى كه‌ ئه‌رمینیا شاره‌زایى و پسپۆڕیى تێدا هه‌یه‌ و ده‌كرێت هه‌رێمى كوردستان سوودیان لێ وه‌ربگرێت.

هه‌ردوولا تیشكیان خسته‌ سه‌ر كردنه‌وه‌ى كونسوڵخانه‌ى ئه‌رمینیا له‌ هه‌ولێر كه‌ پێشتر ڕه‌زامه‌ندیى هه‌ردوو حكوومه‌تى عێراقى فیدراڵ و حكوومه‌تى ئه‌رمینیاى له‌سه‌ر دراوه‌ بكرێته‌وه‌، هه‌روه‌ها باس له‌ كردنه‌وه‌ى گه‌شتى ئاسمانیى نێوان هه‌ولێر و یه‌ریڤان له‌ داهاتوودا كرا له‌ كاتێكدا كه‌ چاوه‌ڕوان ده‌كرێت كێشه‌ى داخستنى فڕۆكه‌خانه‌كانى هه‌رێمى كوردستان چاره‌سه‌ر بكرێت.

تاوتوێكردنى په‌یوه‌ندییه‌كانى هه‌رێمى كوردستان و عێراق و دۆخى ناوچه‌كه‌ به‌گشتى، لایه‌نێكى دیكه‌ى كۆبوونه‌وه‌كه‌ بوو.





ئەم هەواڵە 1303جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad