English | عربی | Kurdî دواهەواڵ
ڕاستەوخۆ  
 
وەزیرێکی عێراقیی تێوەگلاو به گەندەڵی لەلایەن ئینتەرپۆلەوه رادەستی بەغدا کراوه
2018-01-25 [06:47 AM]

ZNA- هەولێر


 

به گوتەی بەرپرسانی عێراقی، ئەمڕۆ "عەبدولفەلاح سوودانی" وەزیری پێشووی بازرگانیی ئەم وڵاته که چەندین دۆسیەی گەندەڵیی لەسەره، لەلایەن ئینتەرپۆل(پۆلیسی نێودەوڵەتی) که مانگی ئەیلوولی رابردووەوه له "بەیرووت"ی پایتەختی لوبنان دەستبەسەر کرابوو، رادەستی بەغدا کراوه.

 

دەستەی دەست‌پاکیی عێراق رایگەیاندووه، هەوڵێکی چەند ساڵه بۆ ئامادەکارکردنی دۆسیەی تایبەت به رادەست کردنی سوودانی که بەشێکی زۆری لەسەر سەلماوه، ئەنجام دراوه.

 

دەستەی دەستپاکی ئاشکراشی کردووه، "تۆمەتبار له ٩دۆسیەی گەندەڵی تاوانبار ناسراوه و ٨سزای به شێوەی غیابی بۆ دەرچووه به تاوانی زیان گەیاندنی به ئەنقەست به دارایی گشتی."

 

بەرپرسێکی حکومیی عێراقیش گوتوویەتی، "دوای رادەست کردنی لەلایەن ئینتەرپۆلەوه، سوودانی گەیشته فڕۆکەخانەی بەغدا."

 

هەروەها دەڵێت، "ئەمە یەکەم بەرپرسه بەو پەلەیه لەلایەن ئینتەرپۆلەوه رادەستی عێراق کرابێتەوه."

 

"هەروەها یەکەم جاره ئینتەرپۆل لەسەر ئاستێکی ئاوا بەرز وڵامی حکومەتی عێراق دەداتەوه."

 

فەلاح سوودانی له ساڵی٢٠٠٥ له کابینەی ئیبراهیم جەعفەری وەزیری پەروەرده بوو و له ساڵی٢٠٠٦ تاکو ٢٠٠٩  له کابینەی نووری مالیکی وەزیری بازرگانی بوو. له ساڵی٢٠٠٩ دەستی لەکار کێشاوه و هەر لەو ساڵه ویستی عێراق جێ‌بهێڵێت بەڵام لەلایەن هێزه ئەمنییەکانەوه له فڕۆکەخانه دەستگیر کرا، بەڵام دوای ئازاد بوونی به کەفالەت، له عێراق رایکرد.

 

AFP





ئەم هەواڵە 208جار خوێندراوەتەوە
 
 
ڤیدیۆ گەلەری
ھەڵوێستێکی جوانی محەمەد سەڵاح
خاڵ بەدەستھێنان ئاوا دەبێت
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad