English | عربی | Kurdî دواهەواڵ
ڕاستەوخۆ  
 
تاکە ڕیگا بۆ چارەسەر بۆ به‌ هێزمانەوی کورد ئەوەیە ناوماڵی خۆمان ڕیک بخەینەوە لە گوفتار و دروشمەوە بیکەین بە کردەیی
2018-01-26 [07:47 AM]

ZNA - هەولێر


هێمن ساڵەیی رایگه‌یاند: کەرکوک و عفرین دوتەوەری جیان لەیەکتر کە ئەنجام ومەبەستەکەیان لەیەک خاڵی سەره‌کیدا خۆیان دەبینەوە، سەبارەت بە کەرکوک رونە بەهۆی ئەو سەروه‌ت و سامانەی ژێر زەوی و خاوەنی خاکێکی بە پیت و فراوانی هەیە بۆ کشتوکاڵ ڕژێمە یەک لە دوای یەکەکانی عێراق هەر لە سەرەتای دروست بونی عێراقەوە چاویان تێبڕیوە وهەوڵیان داوە دیموگرافیای کەرکوک بگۆڕن و لە شارێکی کوردستانی یەوە بیگۆڕن و بە پێی بەرنامە و پیلانی جۆراو جۆر بەرگی عەره‌بی بە بەردا بکەن هەر بۆیە جۆرەها ڕیگایان بۆ جێبەجێ کردنی بەرنامەکانیان گرتۆتەبەر و کاریان لەپێناویدا کردووە. 

هێمن ساڵەیی ئەندامی مەکتەبی پەیوەندیەکانی پارتی به‌ ئاژانسی هه‌واڵی زاگرۆسی راگه‌یاند: لە پاش پرۆسەی ئازادی ورزگار کردنی کەرکوکیش لەژێر دەسەڵاتی بەعسی ڕوخا کەرکوک بەشێوەیەکی ناڕاستەوخۆ کەوتە ژێر دەسەڵاتی ئیداری کوردەوە کاری باشی تێدا کرا حکومەتی عێراق هەستی بە مەترسی گەورە کرد کە ئەوەی لە ڕابردوودا ڕژێمەیەک لە دوای یەکەکان کاریان لەسەر کردبو خەریکە لە دەستیان دەر دەچێت و کەرکوک بە تەواوی خۆی بە کوردستانی پیشان دەدات هەر بۆیە بیر لەوە کرایەوە کە جارێکی تر کار لەسەر بەرنامەکانی پێشویان بکەن هەر بۆیە شەری دژی داعش لە ناوچەکە بۆیان بو بە بیانویەکی گونجاو تا لەژێر ئەو ناوەدا هێزەکانیان زیاد بکەن و بە ناوی گەڕانەوە بۆ دەستوور کەرکوک داگیر بکەن و دەسەڵاتی کوردی لێ بێ بەری بکەن کە بەداخەوە بە هاوکاری گروپی خیانەت توانیان سەرکەوتن بەدەست بێنن ئەگەر داگیرکاری و سەرکەوتنەکەشیان کاتیش بێت.

هێمن گوتیشی: سەبارەت بەعەفرین ڕونە رژێمی تورکیا ئۆپراسیۆنێکی بە ناوی چڵی زەیتون دەست پێکردووە بە بیانوی شەری دژی تیرۆر و پاراستن و موکم کردنی سنورەکانی خۆی هەر چەندە هزری کوردایەتی من لەگەڵ هزری ئەو پارتانەی بەشێک لە پارتەکانی ڕۆژهەڵات بە تایبەتی ئەوانەی ئێستا ڕوبەڕوی هێزەکانی تورکیا بونەتەوە جیاوازە بەڵام وەک کوردێک ئزار دەکێشم و هیوا خوازم هیچ شوێنێک لە خاکی کوردستان شەروشۆڕی تێدا نەبێت و خوێنی لاوی کورد نەڕێژرێت، خاڵە هاو بەشەکەی کەرکوک عه‌فرین ئەوەیە کە هەردوک دوبەشی کوردستانن و لەو خاڵەوە هەڵی لاوازکردنی کورد و کەم کردنەوەی دەسەڵاتەکانیان دەدرێت.

ئه‌و ئه‌ندام مه‌كته‌بی په‌یوه‌ندیه‌كانی پارتی دیاریشیكرد: پێم وایە بەرژەوەندییە ئابووری و بڵاوبونەوی هێزو دەسەڵاتی سیاسی وڵاتە زلهێزەکانی وەک ئەمریکا و ڕوسیا سەرەڕای پەیوەندی باش و هاوپەیمانیان لەگەڵ کورد و هاوکاریان وای کردووە لەو پێناوەدا بێدەنگیان هەڵبژاردووە خۆیان بێ لایەن نیشاندا لە سەرەتای ڕوداوەکان دیسان ئەگەر بێ دەنگی ئەوانیش کاتی بێت بەڵام زیانی گەورە بەر ئەزمونی کورد دەدات و پاشەکشەی سیاسی گه‌ورەی پێدەکات هەر وەک چۆن بینیمان لە پاش داگیرکردنی کەرکوک لە ڕوی سیاسی یەوە حکومەتی هەرێمی کوردستان هاتەوە چ خاڵێک و بۆ خۆگرتنەوە و هەڵسانەوە ناچار بۆ زۆرێک لە خاڵی ناو مەرجەکانی عێراق قبوڵ بکات کە جێگای خۆیەتی لێرەدا ستایشی ڕۆڵی لێهاتوی حکومەتی هەرێمی کوردستان بەتایبەتی بەرێز کاک نێچیرڤان بارزانی سەرۆکی حکومەتی هەرێمی کوردستان بکەین کە وەک کەسایەتی یەکی لێهاتوی سیاسی و دیپلۆماتکار تا ڕادەیەکی باش توانی بارو دۆخەکە بگوڕێت.

هه‌روه‌ها ئاشكرا كرد: هەروەک لە سەره‌تادا باسم کرد لە دێر زەمانەوە لە هەوڵ دابووە بۆ لە ناوبردنی گەلی کورد ئەگەر نەشتوانێت بەلانی کەم وا لاوازی بکات کە نەتوانێت دەنگ هەڵبڕێت بەرامبەر بە مافە خوراو و داگیر کەرەکانی بەڵام نابێت ئەوەمان لەبیر بچێت لەهیچ کاتێک و لەهیچ کام لە پارچەکانی کوردستان دوژمن و داگیرکەران نەیان توانی وە خەونەکانیان بکەن بەکردار ئەگەر بەداخەوە دەستی خیانەتی ناوخۆیی نەبوبێت دڵنیام ئەمجارەش حکومەتی عێراق هەرگیز زاتی ئەوەی نە دەکرد خەونی بە عەرەب کردنی کەرکوک بێنێتە دی ئەگەر ئەو گروپە خیانەتکارانەی ١٦ی ئۆکتۆبەر لە ناوخۆ بەڵێنیان پێندایان و دەستی هێزە میلیشیاکانی تائیفیان ڕانەکێشایا بۆ ناو کەرکوک بە دیاری پێشکەشیان نە کردایە بەداخەوە ئەو خیانەتە لەلایەن گروپێکی بنەماڵەیی یەوە کە پیلان بۆ داڕێژراو بوو چەند هوکارێکی هەن بەشێکی خۆ سەپاندن و گرتنە دەستی رەهای دەسەڵاتی ناو حزبەکەیان چونکە بەڕای من وایان هەست دەکرد خەریکە وەک بنەماڵە بەڕەکەیان لەژێر پێ دەر دەهێندرێت و بەشێکیشی دەسکەوتنی داهاتێکی زۆر و لایەنێکی هەرە سەرکیشی ئەو ڕق و کینەیە لە مێژینە بۆ ماوەیی یە بوکە لە باوانیانەوە بۆیان مابووە بەرامبەر بە پارتی و بارزانی بۆشیان دەرکەوت بو کە ناوەندی بڕیار لای سەرۆک بارزانی یەو وەک ڕابەری نەتەوەیی کورد لە ناوەندی سیاسی و بڕیاری ناوخۆیی و جیهانیش ناسراوە، بۆیە نەیانتوانی هەزمی مەزنی بارزانی بکەن و دەستیان دایە ئەو خیانەتە کە پێم وایە مێژولێیان خۆ نابێت.

ساله‌یی راشیگه‌یاند: کورد ستراتیژیەتێکی گونجاوی گرتبووە بەر وپلانی باشی هەبون بۆ سەرخستن و پێشخستنی وڵات وای لێهاتبو هەرێم لە روی ئاوەدانی و پێکەوه‌ ژیان پەیوەندی بەلانی کەمەوە لە ناوچەکە بە نمونە دەهێندرایەوە ڕۆژ بەڕۆژ کێرڤی سیاسی و دیبلۆماسی هەرێم لەگەڵ وڵاتانی جیهان سەردەکەوت و بەروپێش دەچو، دیسانەوە دەبێ بڵێین بەداخەوە کێشەی ناوخۆیی و موزایەداتی سیاسی ناڕەوای ناوخۆ بۆ ناشرین کردنی دەسەڵات و ڕاکێشانی دەنگی شەقام و لەولاشەو ڕوداوەکانی ١٦ی ئۆکتۆبەر و لەسەر ئاستی  نیشتیمانیش نەبونی یەک وتاری سیاسی و خوێندنی هەریەک لە ئاوازێک و تەخوین کردن و ناوناتۆرە و تۆمەت بەخشینەوە بەیه‌ک هۆکاری سەره‌کی بون بۆ سەرنەکەوتنی ستراتیژی کورد.

ئه‌وه‌شی خسته‌روو: کورد ئێستاش دۆستی هەن ئەوەنی یە بڵێن لە دوای شەری داعش کورد هەموو دۆستەکانی لە دەست دان بەڵام کاتەکە جیاوازە و گۆڕانکاری سیاسی و بەرژەوەندی ئابووری لە ناوچەکە لە دوای شەری داعش هاتۆتە ئاراوە لەکاتی شەر لە دژی داعش راستە دۆستەکان زیاتر لەسەر هێڵ بون و زیاتر لە ئێستا هەست بە دۆستایەتی یان دەکرا لەبەر ئەوەی هەمو لەیەک خاڵ دا هاوبەش بوین بە وەی جیهان لە مەترسی دایە بە دەرکەوتنی داعش، ئێستا شەری داعش نەماوە ڕاستە ئێمە کێشەی گەورەمان لەگەڵ دەسەڵاتی بەغدا هەیە بەڵام لە دیدی ئەو دۆستانەوە کێشەی ئێستای کورد لەگەڵ شەری داعش جیاوازە کێشەکەمان ناوخۆیی یەو دەبێت بەپێی دەستوور لە چوار چێوەی عێراق دا چارەسەر بکرێن، ئەوەشمان لە بیر نەچێت هاوپەیمان و زلهێزەکان چۆن دۆست و هاوپەیمان و خاوەن بەرأەوەندین لەگەڵ عێراقیش بە هەمان شێوە و بگرە بەرژەوەندیەکان لەێ زیاتریشن بە تایبەت بە نسبەت ئەمریکاوە کە لەعێراق دادژە هیلالی شیعیشە کە دەیەوێت تیایدا سەرکەوتوبێت و ئەو بەرنامەیەی ئێران لە ناوچەکە تێک بشکێنێت بۆیە نایەوێت بە جارێک عێراق لەدەست بدات.

له‌ كوتاییدا گوتی: بەڕای من تاکە ڕیگا بۆ چارەسەر بۆ به‌ هێزمانەوی کورد ئەوەیە ناوماڵی خۆمان ڕیک بخەینەوە لە گوفتار و دروشمەوە بیکەین بە کردەیی و هەریەک لەلای خۆیەوە هەوڵی بۆ بدات، خاوەنی یەک وتاری سیاسی و لە بەرامبەر دوژمن یەک هێزبین بە هەموو هزرە جیاوازەکانەوە، هەموو لایەک هاوکار بن بۆ ئەو هەنگاوانەی ئێستا حکومەتی کوردستان گرتویەتیە بەر بۆ دانوستان لەگەڵ عێراق و چاکسازی یە ناوخۆی یەکان.

احمد غفور





ئەم هەواڵە 2752جار خوێندراوەتەوە
 
 
ڤیدیۆ گەلەری
ھەڵوێستێکی جوانی محەمەد سەڵاح
خاڵ بەدەستھێنان ئاوا دەبێت
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad