English | عربی | Kurdî دواهەواڵ
ڕاستەوخۆ  
 
وەزیری دارایی: ژیانی موچەخۆران باشتر دەبێت
2018-01-28 [06:12 AM]

ZNA-هەولێر


ده‌سته‌ى سه‌رۆكایه‌تى په‌رله‌مانى كوردستان سه‌ردانى وه‌زاره‌تى دارایى و ئابووری حكومه‌تى هه‌رێمی كوردستانیان كرد و له‌ كۆبوونه‌وه‌یه‌ك باس له‌ هه‌ماهه‌نگى نێوان په‌رله‌مان و وه‌زاره‌تى دارایى و ئابوورى و پڕۆژه‌ى چاكسازى خانه‌نشین و پاشكه‌وتى مووچه‌ كرا.

ئه‌مڕۆ یه‌ك شه‌ممه‌ 28/1/2018، جه‌عفه‌ر ئێمینكى، جێگرى سه‌رۆكى په‌رله‌مان كوردستان و بێگه‌رد تاڵه‌بانى، سكرتێرى په‌رله‌مان به‌ سه‌رۆكایه‌تى شاندێك سه‌ردانى وه‌زاره‌تى دارایى و ئابووری حكومه‌تى هه‌رێمیان كرد و له‌لایه‌ن رێباز حه‌ملان، وه‌زیرى دارایى و ئابوورى و رابه‌ر سدیق، بریكارى وه‌زاره‌تى دارایى و ئابوورى به‌ وه‌كاله‌ت پێشوازیه‌كى گه‌رمیان لێكرا.

له‌سه‌ره‌تاى كۆبوونه‌وه‌كه‌ جێگرى سه‌رۆكى په‌رله‌مان باسى له‌ ئامانجى سه‌ردانه‌كه‌یان كرد و وتى، به‌ پێویستمان زانى كه‌ سه‌ردانى وه‌زاره‌تى دارایى و ئابوورى بكه‌ین و بۆ پشتیوانى و هه‌ماهه‌نگى نێوانمان و ده‌ستخۆشى كرد له‌ ئاماده‌كردنىئه‌و پڕۆژه‌ چاكسازیه‌ هاوبه‌شه‌ى په‌رله‌مان و حكومه‌ت كه‌ ئاراسته‌ى په‌رله‌مان كراوه‌.

لە بەڕامبەردا رێباز حه‌ملان، وه‌زیرى دارایى و ئابوورى سه‌ردانى له‌و جۆره‌ى به‌گرنگ زانى و پێشى وابوو كه‌ گرنگه‌ هه‌ماهه‌نگى له‌نێوان ده‌سه‌ڵاتى یاسادانان و جێبه‌جێكردن هه‌بێت و بۆ ئه‌وه‌ى به‌ هه‌موان كار بكه‌ین بۆ باشتركردنى ژیانى خه‌ڵك و تێپه‌ڕاندنى ئه‌و قه‌یرانه‌ دارایه‌.

وه‌زیرى دارایى و ئابوورى وتیشى، ئه‌و پڕۆژه‌ چاكسازیه‌ى ئاراسته‌ى په‌رله‌مان كراوه‌ یه‌كسانى كۆمه‌ڵایه‌تى دروست ده‌كات و بڕه‌ پاره‌یه‌كى باشیش بۆ خه‌زێنه‌ى گشتى ده‌گه‌ڕێنێته‌وه‌ و به‌مه‌ش كاریگه‌رى ده‌بێت له‌سه‌ر دابه‌شكردنى مووچه‌ و باشتركردنى ژیانى مووچه‌خۆران.

دوپاتیشیكردەوە، كۆبوونەوەكانى سەرۆكى ئه‌نجوومه‌نى وه‌زیرانى عێراق و هه‌رێم و لیژنه‌ هاوبه‌شه‌كان لێكتێگه‌یشتن وبه‌ره‌و پێشچوون هه‌بوه‌.





ئەم هەواڵە 9487جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad