English | عربی | Kurdî دواهەواڵ
ڕاستەوخۆ  
 
سوودەکانی خواردنی ناوکی کولەکە
2018-01-29 [12:15 PM]

هه‌ولێر - ZNA



ناوكی كوله‌كه‌ بێ برژاندنی له‌ دێرزه‌مانه‌وه‌ وه‌ك چاره‌سه‌رێكی پزیشكی سوودی لێ وه‌رگیراوه‌، له‌ دوا توێژینه‌وه‌یش پزیشكان سوودی خواردنی ناوكی كوله‌كه‌ی برژاویان خستووه‌ته‌ڕوو و ئاماژه‌ به‌وه‌ ده‌كه‌ن، كه‌ خواردنی ناوكی كوله‌كه‌ ڕۆژانه‌ له‌ نێوان ژه‌مه‌كانی خواردن پێنج سوودی گرنگ به‌ مرۆڤ ده‌گه‌یه‌نێت، كه‌ بریتین له‌مانه‌ی خواره‌وه‌.

یه‌كه‌م:دژه‌ ئۆكسید و میكرۆباتێكی به‌هێزه‌، ناوكی كوله‌كه‌ پێكهاته‌كه‌ی پڕه‌ له‌ ڤیتامینات و دژه‌ ئۆكسیۆد و كانزای زینك و مه‌نگه‌نیز و به‌ها خۆراكییه‌ ڕووه‌كییه‌كان، ئه‌مه‌یش یارمه‌تیده‌ر بۆ له‌ناوبردنی هه‌موو گرێیه‌كی شێرپه‌نجه‌ و ئه‌گه‌ری تووشبوون به‌و په‌تا درمه‌ كه‌م ده‌كاته‌وه‌.

دووه‌م: ئاستی كۆلیستڕۆل له‌ جه‌سته‌ ڕێك ده‌خات، فیتۆستیرۆلیس كه‌ پێكهاته‌یه‌كه‌ و له‌ ناوكی كوله‌كه‌ بوونی هه‌یه‌، ده‌بێته‌ هۆی كه‌م كردنه‌وه‌ی ئاستی كۆلیستڕۆلی زیاده‌ی ناوخۆێن، هه‌روه‌ها ئه‌و چه‌ورییه‌ی له‌ دیواره‌كانی گه‌ده‌ كۆ ده‌بێته‌وه‌ له‌ناوی ده‌بات و باشترین ڕێگه‌ بۆ كه‌م كردنه‌وه‌ی زیانه‌ مه‌ترسیداره‌كانی چه‌وری، بریتییه‌ له‌ خواردنی ناوكی كوله‌كه‌.

سێیه‌م: ئێسك ته‌ندروست ده‌كات، به‌هۆی بوونی ڕێژه‌یه‌كی باشی زینك له‌ پێكهاته‌ی ناوكی كوله‌كه‌، ئه‌وا گه‌شه‌ی ئێسك به‌رده‌وام ده‌بێ، چونكه‌ كه‌مبوونی زینك له‌ جه‌سته‌ ئێسك تووشی داخوران و جۆره‌ها كێشه‌ ده‌كات.

چواره‌م: سووده‌كانی بۆ پێست، ترشه‌ چه‌ورییه‌كان و سیلینیۆم و زینك كه‌ له‌ ناوكی كوله‌كه‌ هه‌ن، یارمه‌تی گه‌شه‌ی خانه‌كانی پێست و دابین كردنی پرۆتین له‌ جۆری كۆلاجین ده‌ده‌ن، كه‌ ئه‌مانه‌ وا ده‌كه‌ن پێست هه‌میشه‌ به‌ گه‌نجی بمێنێته‌وه‌ و هیچ كات تووشی چرچ و لۆچی نه‌بێ.

پێنجه‌م: چاره‌سه‌رێكی سروشتییه‌ بۆ چه‌ندان نه‌خۆشی، ناوكی كوله‌كه‌ توانای ڕێكخستنی هۆرمۆنی ئه‌نسۆلینی له‌ جه‌سته‌ هه‌یه‌ و ئه‌مه‌یش مه‌ترسییه‌كانی نه‌خۆشی شه‌كره‌ كه‌م ده‌كاته‌وه‌، هاوكات ڕێگری له‌ دروستبوونی به‌ردی گورچیله‌ و هه‌وكردنی جومگه‌كان ده‌كات، به‌هۆی بوونی پێكهاته‌ی ئه‌ندۆمیتاسین و لانستیرۆید.





ئەم هەواڵە 6316جار خوێندراوەتەوە
 
 
ڤیدیۆ گەلەری
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
سەیرترین رووداوەکانى ھاتووچۆ
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad