English | عربی | Kurdî دواهەواڵ
ڕاستەوخۆ  
 
وەزارەتی دارایی گۆڕانكاری لە بڕیارێكی تایبەت بە پاشەكەوتی مووچە دەكات
2018-01-30 [09:43 AM]

​ZNA – هه‌ولێر


وەزارەتی دارایی لە بڕیارێكی پێشووی سەبارەت بە پاشەكەوتی مووچە پەشیمان دەبێتەوە و 3 مووچەی ساڵی 2017 پاشەكەوت ناكات.

بەپێی ئەو زانیاریانەی لە وەزارەتی دارایی دەست كەوتوون ئەگەرچی پێشووتر بە نوسراوی فەرمی داوا لە وەزارەت و فەرمانگەكان كرا بوو مووچەی مانگەكانی 10 و 11 و 12 ی ساڵی 2017 پاشەكەوت بكەن، بەڵام وەزیری دارایی گۆڕانكاری لە بڕیارەكە كردووە.

سەرچاوەكە ئاماژەی بەوەدا وەزیری دارایی داوای كردووە ئەو 3 مووچەیە پاشەكەوت نەكرێت بەڵكو مانگانە لە ساڵی 2018  خەرج دەكرێن.

روونی كردەوە لەسەره‌تای ئەمساڵ داوا لە وەزارەتەكان كرا بوو مووچەی مانگی 1ی 2018 ئامادە بكەن بەڵام دواتر گۆڕانكاری تێدا كراوە و كراوەتە مووچەی مانگی 10.

لە ئەنجومەنی وەزیران بە تایبەت لیژنەی بایۆمەتر ی و گەنجینەكان  داوا كراوە لە فەرمانگەكان لیستی مووچەی  مووچەكانی 10 و 11 و 12و نەخرێتە تۆماری پاشەكەوت بەڵكو لە ساڵی 2018 خەرج بكرێن.

پێشووتر وەزارەتی دارایی لە رێگەی  گەنجینەکانەوە داوای لە سەرجەم یەکەی ژمێریاری فەرمانگەکان کرد بوو لیستی مووچەی مانگەکانی ١٠ و ١١ و ١٢یان بۆ رەوانە بکەن و لە لیستی پاشەكەوت تۆماری بكەن.

 سەرچاوەكەی وەزارەتی دارایی ئاشكراشیكرد، ئەو هەنگاوە و پاشەكەوت نەكردنی ئەو 3 مووچەیە پەیوەندی بە پێشوەچوونی گفتوگۆكانی نێوان هەولێر و بەغدا هەیە.

 لە ساڵی ٢٠١٦ مووچەی مانگی ١١ و ١٢ نەدرا و ئەو دوو مووچەیە لە مانگی ١ و ٢ ی ساڵی ٢٠١٧ دابەش کرا.

 بەپێی نووسراوێکی وەزارەتی دارایی ھەرێمی کوردستان، کە بە واژۆی رابەر سدیق، بریکاری  وەزارەتی دارایی لە ١٣ی ١٢ی ٢٠١٥  دەرچووە. وەکوو قەرز لەسەر حکوومەت مامەڵە لەگەڵ مووچە نەدراوەکانی ٢٠١٥ کرا، کە ئەوکاتە مووچەی مانگەکانی (٩ و ١٠ و ١١ و ١٢)ی ساڵی ٢٠١٥ قەیدی بۆ کرا و لە تەرازووی پێداچوونەوەی مانگی ١٢ وەکو قەرز دیاری کرا.

 

 





ئەم هەواڵە 16069جار خوێندراوەتەوە
 
 
ڤیدیۆ گەلەری
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
لە پەخشی راستەوخۆی گێچەڵی سێکسی پێدەکرێت
خەونی ھەمو ئافرەتێک , کەسێکی ئاوای ھەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad