English | عربی | Kurdî دواهەواڵ
ڕاستەوخۆ  
 
وردبینی لیستی مووچه‌ی فه‌رمانبه‌رانی زۆربه‌ی وه‌زاره‌ته‌كان ده‌ستیپێكرد
2018-01-31 [11:13 AM]

ZNA-ھەولێر


لیژنه‌كانی وردبینی به‌غدا له‌گه‌ڵ هه‌رێمی كوردستان پاش ماوه‌یه‌ك كاركردن له‌ لیستی مووچه‌ی فه‌رمانبه‌رانی وه‌زاره‌ته‌كانی ته‌ندرووستی و په‌روه‌رده‌، له‌ ئه‌مڕۆوه‌ چوارشه‌ممه‌ 31/1/2017 ده‌ستیان به‌ وردبینیكردن له‌ لیستی مووچه‌ی زۆرینه‌ی وه‌زاره‌ته‌كان و ئه‌و ده‌ستانه‌ی به‌ وه‌زاره‌ته‌كانه‌وه‌ په‌یوه‌ست نیین كردووه‌.

وردبینی لیستی مووچه‌ی زۆرینه‌ی وه‌زاره‌ت و ده‌سته‌كان ده‌ستیپێكردووه‌ به‌ڵام وه‌زاره‌ته‌كانی ناوخۆ و پێشمه‌رگه‌ی تێدا نییه‌

لیژنه‌ی وردبینی كه‌ له‌ به‌غداوه‌ هاتوون، بانگهێشتی به‌ڕێوه‌به‌ر گشتییه‌كان و به‌ڕێوه‌به‌ری كارگێڕی و دارایی وه‌زاره‌ت و دامه‌زراوه‌كانیان كردووه‌و داوای لیستی مووچه‌ی فه‌رمانبه‌ره‌كان و میلاكاتی ساڵی 2017ـیان لێكردوون

به‌گوێره‌ی زانیارییه‌كانی په‌یامنێری كوردستان، كاركردن بۆ وردبینیكردن له‌ لیستی مووچه‌ی زۆرینه‌ی وه‌زاره‌ته‌كان ده‌ستیپیكردووه‌، به‌ڵام هێشتا وه‌زاره‌ته‌كانی ناوخۆ و پێشمه‌رگه‌ی نه‌گرتووه‌ته‌وه‌".

پرۆسه‌ی وردبینیكردن بۆ لیستی مووچه‌خۆرانی هه‌رێمی كوردستان له‌سه‌ر داوای حكومه‌تی عێراق به‌ڕێوه‌ده‌چێت و به‌گووته‌ی ئه‌ندامانی لیژنه‌كان و به‌رپرسانی باڵای به‌غدا، پاش ته‌واوبوونی كاری وردبینی مووچه‌ی فه‌رمانبه‌رانی هه‌رێم خه‌رج ده‌كرێت".

هه‌ر چه‌نده‌ راگه‌یه‌نرا كه‌ بڕی 250 ملیار دیناریش له‌ به‌غداوه‌ خراوه‌ته‌ سه‌ر ژماره‌ حیسابی هه‌رێمی كوردستان تا مووچه‌ی كارمه‌ند و فه‌رمانبه‌رانی وه‌زاره‌ته‌كانی په‌روه‌رده‌ و ته‌ندرووستی پێبدرێت، به‌ڵام ھێشتا ورده‌كاریی دابه‌شكردنی مووچه‌كه‌ و كاتی خه‌رجكردنی دیارنییه‌ و نازانرێت مووچه‌ی ته‌واوی پێده‌درێت یان سولفه‌یه‌ و حكومه‌تی هه‌رێم دواتر به‌ پاشه‌كه‌وته‌وه‌ مووچه‌ی كارمه‌ند و فه‌رمانبه‌رانی ئه‌و دوو وه‌زاره‌ته‌ش دابه‌ش ده‌كات. 

هه‌رچه‌نده‌ باسی ئه‌وه‌ كراوه‌ كه‌ تا ته‌واوبوونی كاری وردبینی مووچه‌یه‌كی بێ پاشه‌كه‌وت دابه‌ش ده‌كرێت.





ئەم هەواڵە 5278جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad