English | عربی | Kurdî دواهەواڵ
ڕاستەوخۆ  
 
وه‌زیرى دارایى و ئابوورى و كونسوڵى گشتى ئه‌مریكا هاوكاریه‌كانى ئه‌مریكا بۆ پێشمه‌رگه‌ تاوتوێ کرد
2018-01-31 [04:39 AM]

ZNA-هەولێر


كونسوڵى گشتى ئه‌مریكا به‌ وه‌كاله‌ت له‌ هه‌ولێر سه‌ردانى وه‌زاره‌تى دارایى و ئابوورى  حکومه‌تى هه‌رێمى كوردستانى كرد و له‌ كۆبوونه‌وه‌یه‌ك باس له‌ په‌یوه‌ندیه‌كانى هه‌ولێر و به‌غدا و هاوكاریه‌كانى ئه‌مریكا بۆ هێزى پێشمه‌رگه‌ى كوردستان تاوتوێكرا.

ئه‌مڕۆ چوار شه‌ممه‌ 31/1/2018، ستیڤ گڵن، كونسوڵى گشتى ئه‌مریكا له‌ هه‌ولێربه‌ وه‌كاله‌ت سه‌ردانى رێباز حه‌ملان، وه‌زیرى دارایى و ئابوورى حكومه‌تى هه‌رێمى كوردستانى كرد.

له‌سه‌ره‌تاى كۆبوونه‌وه‌كه‌ ستیڤ گڵن، كونسوڵى گشتى ئه‌مریكا له‌ هه‌ولێر به‌ وه‌كاله‌ت، باسى له‌ سه‌ردانى جۆنسولیڤان، جێگری وه‌زیری ده‌ره‌وه‌ی ئه‌مه‌ریكا بۆ به‌غدا و هه‌ولێر  كرد كه‌ به‌ پێویستیان زانیوه‌ كێشه‌ هه‌ڵپه‌سێردراوه‌كانى نێوان هه‌ولێر و به‌غدا چاره‌سه‌ر بكرێن به‌تایبه‌ت بابه‌تى مووچه‌ و فرۆكه‌خانه‌ و ده‌روازه‌كان.

شاندى میوان باسیشان له‌ كۆنگره‌ى ئاوه‌دانكردنه‌وه‌ى عێراق كرد كه‌ بڕیاره‌ له‌ كوێت ئه‌نجام بدرێت و به‌ پێویستیان زانى كه‌ شاندێكى هه‌رێم به‌شدارى كۆنگره‌ بكات.

لایخۆشیه‌وه‌ رێباز حه‌ملان، وه‌زیرى دارایى و ئابوورى حكومه‌تى هه‌رێم له‌گه‌ڵ به‌خێرهاتنى شاندى میوان باسى له‌ به‌ره‌و پێشچوون و لێكتێگه‌یشتن له‌ نێوان هه‌ولێر و به‌غدا كرد و وتیشى، زانیارى پێویست دراوه‌ته‌ لیژنه‌كانى وردینى كه‌ له‌غداوه‌ هاتوون و ئه‌مه‌ش له‌ پێناو ئه‌وه‌ى هه‌رچى زووه‌ مووچه‌ دابه‌شكرێت.

وه‌زیرى دارایى ئابوورى داواشى كرد كه‌ هاوكاریه‌ دارایه‌كانى ویلایه‌ته‌ یه‌كگرتوه‌كانى ئه‌مریكا بۆ هێزى پێشمه‌رگه‌ى كوردستان به‌رده‌وام بن، ئه‌و هاوكاریه‌ دارایه‌ى ئێستا بڕیارى لێردراوه‌ نه‌چۆته‌ بوارى جێبه‌جێكردن بۆ هێزى پێشمه‌رگه‌ى كوردستان.
هه‌روه‌ها شاندى میوان به‌ پێویستانزانى كه‌ هه‌مه‌هانگى به‌رده‌وام له‌ نێوان هه‌ولێر و به‌غدا هه‌بێت.





ئەم هەواڵە 2407جار خوێندراوەتەوە
 
 
ڤیدیۆ گەلەری
ھەڵوێستێکی جوانی محەمەد سەڵاح
خاڵ بەدەستھێنان ئاوا دەبێت
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad