English | عربی | Kurdî دواهەواڵ
ڕاستەوخۆ  
 
کارزان هەنارەیی: خیانەتی ١٦ ی ئۆکتۆبەر پالنەری سەرکەوتنی داگیرکەران بوو
2018-01-31 [07:21 AM]

ZNA-هەولێر


شڕۆڤەکارێکی سیاسی رایگەیاند: کەرکوک سەلمێنەری ئەوەیە کە خیانەتی ١٦ ی ئۆکتۆبەر پالنەری سەرکەوتنی داگیرکەر بوو

کارزان هەنارەیی شڕۆڤەکاری سیاسی بە ئاژانسی هەواڵی زاگروسی راگەیاند، کەرکوک و عەفرین لە روی جوگرافی و ئابوریەوە دوو شاری بەهێزی کوردستانن کە راستە و خۆ کاریگەریان دەبێت لەسەر سەربەخۆی، و گرنگن بۆ مانەوەی دەوڵەتی کوردستان و دۆزی کورد لە ناوچەکە - جگە لەوەش کوردانی رۆژئاوا بەبێ عەفرین ناتواننن فشار لەسەر دەوڵەتی سوریا و وڵاتانی جیهان دروست بکەن بۆ دروست کردنی قەوارەیەکی تایبەت بە خۆیان و بەژداری پێکردنیان لە پرۆسەی فیدرالیەتی سوریا لەلایەکی تر کوردستانی رۆژئاوا رێرەوێکی بە هێز دەبێت بۆ باشوری کوردستان.

گۆتیشی، باشور لە داهاتوو دەتوانرێت پشتی پی ببەسترێت تاوەکوو سەر دەریا ، هەروەها کەرکوک ئەو شارەیە کە چەندین دەیەیە خەبات و شۆرشی لە پیناو دەکرێتە قوربانی چەندین هەلی گەورە و دەست کەوتی گەرە هەبوە بەبێ کەرکوک رەتکراوەتەوە چونکە کەرکوک راستەو خۆ کاریگەری بەهێزی دەبێت لەسەر ئابوری دەوڵەتی کوردستان وە شارێکی کوردیشە کەرکوکیەکان بە درێژایی میژوو قوربانیان داوە و بونەتە قوربانی دوژمنانی کوردیش باش دەزانن کەرکوک کلییلی چارەسەری کیشەی کوردە - بۆیە هەمیشە ئەو دوشارە ئامانجی سەرەکی داگیرکەرانی کوردستان دەبێت.

هەنارەی ئاماژەی بەوەشکرد، ئەگەر بۆ مێژووی کوردستان و هەموو ئەو وڵاتانە بگەرێینەوە کە زۆر لە شەردابونە ئەوا دەبینین خالی لاواز و بەهێز هەیە بۆ بەرگیری کردن و داگیر کردنی ، داگیرکەران هەمیشە پێش هەموو شتێک هەوڵیان داوە رێرەوێکی لاواز بدۆزنەوە بۆ سەرکەوتنی هێرشەکانیان کە ئەو رێرەوەش بە دۆزینەوەی گروپێکی نەخۆشی چاوچنۆکی نەخۆشە کە باکیان بە وڵات و خاکی خۆیان نەبێت ، بۆیە قەڵا بەهێزەکان ناروخێن ئەگەر کەسانێکی نەخۆش دەرگایان لۆ نەکەنەوە ، بێگومان هۆکاری لەدەست دانی کەرکوک و زۆربەی ناوچەکانی تر خیانەت بوو لە ١٦ ی ئۆکتۆبەر، بە پێی وتەکانی وتەبێژی هێزە داگیرکەرەکان بەشێک لە هێزەکان پشت و هێزی ئەوان بون بۆ هاتنە ناو کەرکوک ئەگەر ئەوان نەبان نەیان دەتوانی بەوشێوە بێنە ناوکەرکوکەوە کە ئەمەش سەلمێنەری ئەوە کە کە خیانەتی ١٦ ی ئۆکتۆبەر پالنەری سەرکەوتنی داگیرکەر بوو .

هەروەها وتی وەکو ئاشکرایە دوژمنان هەمیشە لە پێگە ستراتیژیەکانی کوردیان داوە - بینیمان لە پێش ڕیفراندۆم و تا ساتی ئەنجامدانی ڕیفراندۆمی سەربەخۆی بەرێز جەنابی کاک مەسعود بارزانی و هاوەڵانی هەموو هەوڵێکیاندا بۆ سەرخستنی ئەو پرۆسەیە ئەوەی شکستی بە خەونی لە مێژینەی کورد گەیاند دەستێکی ناوخۆیی بوو کە ئەگەر هەموو بارودۆخێک لەبار بێت خیانەت هەموو شتێک پەک دەخات تاکە هەلەی کورد ئەوە بوو لە کاتی هاتنی داعش کە بەشێکی زۆر لە سوپای عێراق خاپور بوو ڕیفراندۆمی ئەنجام نەدا و هەنگاوی بۆ سەربەخۆی نەنا کەواتە دیموکراسیەت و بەڵێنی وڵاتانی جیهان بایەخیی ئەوتۆیان نیە گەر خیانەت بونی هەبێت .

ئەو شڕۆڤەکارە سیاسیە راشیگەیاند، راستە لە شەری داعش هەموو وڵاتانی جیهان دۆست و پشتی کورد بون و دواتر لە کاتی هێرشەکانی سوپای عێراق و حەشدی شەعبی بێ دەنگیان هەڵبژارد، کە کۆمەڵێک هۆکاری لە پشتەوە بوو:

یەکەمیان : ئەوەیە سیستەمی هەموو وڵاتان بە تایبەتی وڵاتە زل هێزەکان بریتیە لە بەرژەوەندی ناوچەیی خۆیان لە روی ئابوری و سیاسی و داگیرکاریەوە گوێ بە بەها دیموکراسیەکان نادەن دور لە بەرژەوەندی خۆیان.
دوەمیان : سەربازی هیچ وڵاتێک نایەت بەرگریت لێبکات و دەوڵەتت بۆ دروست بکات گەر خۆت بەرگری نەکەیت و خیانەت لەناوت دا هەبێت.
سێیەمیان : رێکەوتننامە شاراوەکان یەکێکە لە هۆکارە کوشندەکان کە کورد بە دەستیەوە دەناڵێنێت بە درێژایی مێژوو وڵاتێکی زلهێز بۆ بەرژەوەندی خۆی لەگەڵ ئێران و تورکیا و عێراق و سوریا رێککەوتنی کردوە و کوردیان بێ بەش کردوە لە سەرەتایی ترین مافی خۆی.
چوارەمیان: بەریتانیا، بەریتانیە هۆکارێکە بۆ ناسەقامگیری ناوچەیی و پشتکردنە کورد لەکاتە ناهەموارەکاندا بەو پێیەیی بەریتانیا خۆی بە خاوەنی رێککەوتن نامەیی سایکس و پیکۆ دەزانێت و بە تەواوی پشتگیری لە و سیاسەتە کۆنەی دەکات کە لە مێژوو هەیانبوە بۆ داگیرکاری لە جیهاندا وە لە ئەگەری مانەوەی سنوری سایک و پیکۆ بەریتانیە پێش هەموو وڵاتێک قازانج و دەست کەوتی ئابوری دەبێت .
پێنجەمیان: روسیا ، روسیا لە ساڵانی رابردو لە رویی ئابوریەوە تەواو لاوازبوبو بە رادەیەک رێژەی هەژاری و بێکاری بە رێژەیەکی یەکجار زۆر بەرز بوبۆوە ئەمەش وای کردوە روسیا بەر لە هەموو وڵاتێک بە دوایی بەرژەوەندی ئابوری خۆیدا بگەرێت لە رۆژهەڵاتی ناوەراست و جیهاندا و گوێ بە دۆزی کورد نەدات بە شێوەیەکی سەرەکی.

ئەمانە و چەندین هۆکاری تر هەن کە کورد بۆتە قوربانیان وە لە هەموو سەردەمێکدا ئەو وەڵاتانەی کوردیان بەسەردا دابەشکراوە سەرەرای ناکۆکیەکانیان دژی کورد و سەربەخۆی کورد یەکیان گرتوە ، بە داخەوە کوردیش بەرامبەر بە هەموو ئەوانە هەمیشە خیانەت لەناوخۆی دا هەبوە بۆیە ناتوانین بڵین دۆستمان زۆربوە چونکە ئەوەی خۆی بە دۆستیشمان دەزانیت پێش ئێمە بە دوای بەرژەوەندی خۆیەتی .

هەروەها ئەو شڕۆڤەکارە سیاسیە دەڵێـ، مانەوەی کوردبە بەهێزی پەیوەستە بە گۆرانکاری سیاسەتی کوردەکان لە هەرچوارپارچە و بەستنی کۆنگرەیی نەتەوەیی چونکە لەپاش روداوەکانی ئەمجارە بە باشی بۆمان رونبۆوە پێویستە پێش هەموو شتێک یەک کەیسمان هەبێت و یەکگرتوبین بەرامبەر بە جیهان و وڵاتانی دوژمن گەر وانەبیت هەرپارچەیەک لە کوردستان سەیری لەناوچونی پارچەکەیتری بکات ئەوا بێگومان لە داهاتوو بە تەواوی لاواز دەبین و دۆزی کورد بۆ ماوەی ١٠٠ ساڵی تر دوادەکەوێت ، لە باشوری کوردستان مانەوەی کورد بە بەهێزی پەیوەستە بە کەرکوک و ناوچە داگیرکراوەکانی تر بۆیە پێویستە پارتە سیاسیەکانی باشوری کوردستان بەر لە هەموو شتێک بەیەک هاوپەیمانی بچنە بەغدا .

 

زرار ناجی





ئەم هەواڵە 1975جار خوێندراوەتەوە
 
 
ڤیدیۆ گەلەری
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
لە پەخشی راستەوخۆی گێچەڵی سێکسی پێدەکرێت
خەونی ھەمو ئافرەتێک , کەسێکی ئاوای ھەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad