English | عربی | Kurdî دواهەواڵ
ڕاستەوخۆ  
 
ئاسایشی گشتی ڕوونكردنەوە دەدات
2018-02-02 [08:58 AM]

ZNA-هەولێر


بەڕێوەبەری گشتیی ئاسایشی هەولێر رایدەگەیێنێت، لە بازگەی دێگەڵە تەقەی رووبەڕوویان بەرامبەر هیچ کەسێک نەکردووە و ئەوانەشی برینداربوون، برینداری شەڕە بەردن. دەشڵێ لە هێزەکانی ئاسایشیش بریندار هەن.
ئێوارەی رۆژی هەینی 2-2-2018 لە بازگەی دێگەڵە، گرژیی لەنێوان چەند هاونیشتمانییەک و هێزە ئەمنییەکانی بازگەکە دروستبوو.

تاریق نووری، بەڕێوەبەری گشتیی ئاسایشی هەولێر، رایگەیاند: "نزیکەی 400 کەس زیاتر هاتنە بازگەی دێگەڵە و دەیانویست بەبێ رێوشوێنی یاسایی و پشکنین داخڵی هەولێر ببن".
وەک ئەوەی بڵاوکراوەتەوە، ئەو کەسانە خۆبەخش بوون و ویستوویانە لە هەولێرەوە بچنە عەفرین. بەڕێوەبەری گشتیی ئاسایشی هەولێر دەڵێت: "بەڵام رازی نەبوون بەوەی کاری یاسایی خۆمان بکەین و دەیانویست بەشێوەی فەوزەوی داخڵ بن، بۆیە گرژیی دروستبوو".

بەڕێوەبەری گشتیی ئاسایشی هەولێر رەتیدەکاتەوە تەقەی راستەوخۆ لەو هاونیشتمانییانە کرابێت و ئەوانەی برینداربوون برینداری فیشەک بن و دەڵێ "تەقەی هەوایی کراوە بۆ بڵاوەپێکردنیان و کۆنترۆڵکردنی دۆخەکە، بەڵام بەهیچ شێوەیەک تەقەی راستەوخۆ نەکراوە و ئەوانەشی بریندار بوون برینداری فیشەک نین، بەڵکو ئەوان بەردیان گرتووەتە هێزە ئەمنییەکان و ئەوانیش هەر بەوشێوەیە وەڵامیانداونەتەوە و لە هێزەکانی ئاسایشیش بریندار هەن کە بەرد و داریان بەرکەوتووە".





ئەم هەواڵە 5521جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad