English | عربی | Kurdî دواهەواڵ
ڕاستەوخۆ  
 
دەبێت هۆشیار و ئامادەبین بۆ پاراستنی ئاسایش و سەقامگیریی کوردستان
2018-02-03 [04:54 AM]

نووسینی: نەزهەت حالی


لەو قۆناغەی ئێستادا سه‌قامگیری سیاسی و پاراستنی ئاسایشی هه‌رێمی كوردستان ئه‌ركی سەرەکی هه‌ر سیاسیەک و هەر تاكێكی ئه‌و كوردسستانه‌یه‌، ئەو ئەرکە مەزنە ته‌نیا بابه‌تێكه‌ كه‌ هه‌م جێگای شانازی ته‌واوی كوردستانیان و دڵخۆشی دۆستان بێت و جێگای نیگه‌رانی نه‌یاران و دوژمنانی گه‌له‌كه‌مان بێت ، پاراستنی ئاسایشی هه‌رێمی كوردستان شتێك نیه‌ جێگای کەمتەرخەمی لێکردن و چاوپۆشی لێكردن بێت.
. پێم وایه‌ له‌و بارودۆخه‌ هه‌ستیاره‌دا نابێت له‌ لایه‌ن خودی هاووڵاتیان و نیشتمانپه‌روه‌ران ڕێگه‌ به‌ هیچ كه‌س و لایه‌نێك بدرێت له‌ ژێر هه‌ر ناوێك و بیانوێك بێت ئه‌و ئارامی و ئاسایشه‌ی كه بەخوێن ‌و بینایی چاوه‌كانمان بونیادمان ناوه‌ تێکبدرێت.
باج و تێچووی تێكدانی ئاسایش زۆر كه‌مه‌ به‌ڵام پاراستنی ئاسایش و گه‌راندنه‌وه‌ی بۆ دۆخی ئاسایی و سه‌قامگیری، ئه‌رك و ماندوو بوونی زۆر و تێچوی زۆری ده‌وێت. هه‌بوونی ئاسایش له‌ پێداویسییه سەرەکیەکانی ژیانەوە دابین کردنی زۆر بەنرخە و یەکێك لەبەها‌ هه‌ره‌ گرنگه‌كانی ژیان و مانه‌وه‌ی مرۆڤه‌ .
هاوونیشتیمانیانی ئازیز هه‌ڵگری هه‌ر باوه‌ڕئكی سیاسی و هه‌وادار و ئه‌ندامی هه‌ر پارتێكی سیاسی بن، هەمیشە ئامادە و هۆشیار بن ، له‌به‌ر ئه‌وه‌ی پاراستنی ئاسایش و سه‌قامگیری كوردستان پێویستی به‌و هۆشیارییه‌ و ئاماده‌ییه‌ ئێوه‌ هه‌یه‌،.بۆ ئه‌وه‌ی بتوانین پێكه‌وه‌ نرخ و به‌های ئاسایشی كوردستان بپاڕێزین كه‌ بووه‌ته‌ جێگای ئێره‌یی نه‌یاران و دوژمنانی گه‌له‌كه‌مان. ئه‌و دوژمنانه‌ی كه‌ به‌رده‌وام پیلان بۆ تێكدانی ئەو ئاسایشە داده‌ڕێژن، به‌ڵام تائێستاش سوپاس بۆ یه‌زدانی مه‌زن هۆشیاری نیشتمانپه‌روه‌ران و گه‌له‌كه‌مان به‌ گشتی پیلانی دوژمنانی له‌ گۆڕ ناوه ،هه‌میشه‌ نیشتمانپه‌روه‌رانی گه‌له‌كه‌مان پێكه‌وه‌ له‌گه‌ڵ هێزی پێشمه‌رگه‌ و ده‌زگا هه‌واڵگری و ئه‌منییه‌كان پارێزەری ئاسایشی هەرێمی کوردستان بوون.
خوای گه‌وره‌ كوردستان و كوردستانیان له‌ هه‌ڕه‌شه‌ و مه‌ترسییه‌ ناوخۆیی و ده‌ره‌كییه‌كان بپارێزێت و ئه‌و هێزه‌ه‌مان پێ ببه‌خشێت كه‌ به‌ سه‌ر په‌تای پارچه‌ پارچه‌ بوون و لێكترازان سه‌ر بكه‌وین كه‌ سه‌رچاوه‌ی زۆر له‌ نه‌هامه‌تییه‌كانمانه‌ .





ئەم هەواڵە 4930جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad