English | عربی | Kurdî دواهەواڵ
ڕاستەوخۆ  
 
یەکێتی تۆپی پێی کوردستان چەند بڕیارێکی گرنگ دەردەکات 
2018-02-03 [07:55 AM]

ZNA- ھەولێر 


ئەمڕۆ شەممە ٣/٢/٢٠١٨ لە بارەگەی خۆی لە ھەولێر، یەکێتی تۆپی پێی کوردستان بە ئامادەبوونی سەرۆک و جێگر و سەرجەم ئەندامەکانی، کۆبوونەوەی ئاسایی خۆی بەست و چەند بریار و راسپاردەیەکی نوێی دەرکرد، کە ئەمانەی خوارەوەن:

١- کۆبوونەوەی تایبەت لەگەڵ بەشێک لەَ نوێنەرانی ئەکادیمیا و قوتابخانەکانی تۆپی پێ ئەنجامدرا و بڕیار درا:
• ئەو قوتابخانانەی سەر بە یانە و بنکە وەرزشییەکانن، کە ئەمڕۆ ئامادە نەبوون، پێویستە رۆژی شەممە ١٠/٢/٢٠١٨ لە کاتژمێر ١٢:٠٠ ـی نیوەڕۆ لە بارەگەی یەکێتییەکەمان ئامادەبن، بە پێچەوانەوە مافی بەشدارییکردنیان لە چالاکی تۆپی پێی قوتابخانەکان نابێت.
• دوای گفتوگۆ بریاردرا لە ھەفتەی داھاتوو لێژنەی قوتابخانەکان، پێشنیار و رێنماییەکان و چۆنیەتی دابەشکردنی قوتابخانەکان و راکێشانی تیروپشک ئامادە بکەن و ئەنجام بدرێت.
٢- بە ھۆی بەشدارینەکردن و پاشەکشەی یانەی سیروانی نوێ لە خولی نایابی کوردستان بۆ وەرزی ٢٠١٧/٢٠١٨ بریاردرا بە دابەزینی یانەی سیروانی نوێ بۆ ریزی یانە پلەیەکەکانی کوردستان بۆ وەرزی ٢٠١٨/٢٠١٩.
٣- ھەر یانەیەک لە خولی نایابی کوردستان بۆ وەرزی ٢٠١٧/٢٠١٨ بە ھەر ھۆکارێک پاشەکشە لە خولەکە بکات، بە پێی رێنماییەکانی پەڕاوی تایبەت بە یەکێتییەکەمان، بۆ دوو پلەی خوارەوە دادەبەزێت.
٤- شێوازی بەرێوە چوونی خولی پلەیەکی کوردستان بۆ وەرزی ٢٠١٧/٢٠١٨ بەم شێوەیەی خوارەوەیە:
• دوو یانە بۆ وەرزی ٢٠١٨/٢٠١٩ ـی خولی نایابی کوردستان سەردەکەون.
• دوو یانە بۆ وەرزی ٢٠١٨/٢٠١٩ ـی خولی پلەدووەکانی کوردستان دادەبەزێت.
• یانەی سلێمانی بە بریار بۆ وەرزی ٢٠١٨/٢٠١٩ خولی پلەدووەکان دابەزیوە.
• دوا یانەی ھەردوو گرووپ، کە کەمترین خاڵیان کۆکردووەتەوە، دوای ئەنجامدانی دوو یاری بە شێوازی (چوون و ھاتن)، یانە دووەم بۆ ریزی یانە پلەدووەکانی کوردستان بۆ وەرزی ٢٠١٨/٢٠١٩ دادەبەزێت.
٥- یارییەکانی خولی نایابی کوردستان بۆ وەرزی ٢٠١٧/٢٠١٨ ھەر شەش رۆژ جارێک ئەنجام دەدرێت.
٦- دوای کۆتایی ھاتنی یارییەکانی ھەردوو قۆناغی یەکەم و دووەمی خولی نایاب و پلەیەکی کوردستان، لە گواستنەوەی زستانە یاریزانانی لاوانی پلەنایاب دەتوانن گواستنەوە بە شێوازی خواستن ئەنجام بدەن بۆ ھەر یانەیەک، بەڵام دوای کۆتایی ھاتنی خولەکە دەگەرێنەوە یانەکەی خۆی.
٧- ئەنجامدانی خولی راھێنەرایەتی تایبەت بە راھێنەرانی قوتابخانەکانی تۆپی پێی کوردستان، لە رۆژانی ١٥-١٦-١٧/٢/٢٠١٨ کە دەکاتە رۆژانی پێنج شەممە و ھەینی و شەممە، بەشدارییکردنی راھێنەرەکان ئیجبارییە، بە پێچەوانەوە مافی بەرێوەبردن و سەرپەرشتی تیپەکانیان نابێت.
٨- لە یاری نێوان زێرەڤانی و ھەندرێن لە خولی نایابی کوردستان، بە ھۆی کۆنترۆل نەکردنی یاریگە بە شێوەیەکی باش و گوتنی قسەی نەشیاو و دوور لە گیانی وەرزشی لە لایەن (محەممەد ئەحمەد عەبدولرەحمان) شۆفێری تایبەتی یانەی زێرەڤانی بە ناوبژیوانانی یارییەکە بریاردرا بە:
• غەرامەکردنی یانەی زێرەڤانی بە بڕی (١٠٠٠٠٠٠) یەک ملیۆن دینار، پێویستە یانەی زێرەڤانی پێش ئەنجامدانی یاری داھاتوویان، غەرامەکە رادەستی ژمێریاری یەکێتییەکەمان بکات.
• دوورخستنەوەی (محەممەد ئەحمەد عەبدولرەحمان) بە ھیچ شێوەیەک بۆی نییە یاوەری تیپەکانی پێشکەوتووان و لاوان و فوتساڵی نایابی کچان بکات، جێبەجێکردنی ئەم بریارەیش لە ئەستۆی سەرپەرشتیاران و راھێنەرانی تیپەکانی یانەی زێرەڤانی دەبێت.
٩- ئاگاداری کۆتایی بۆ یانەی شێروانە بە کۆنترۆڵکردنی یاریگەکەیان بە شێوەیەکی توند و تۆڵ، بە پێچەوانەوە لە گەڕەکانی داھاتووی یانەکەیان سزاکان قورستر دەبێت، ئەمەیش بە ھۆی ئەوەی لە یاری نێوان یانەکەیان و برایەتی کۆنترۆڵ یاریگە وەک پێویست نەبووە.
١٠- نووسراوی یانەی ئاشتی بە ژمارە ١٧ لە ١/٢/٢٠١٨ بە لێکۆلینەوە لە راپۆرتی سەرپەرشتیاری یارییەکە (عەباس عەلی)، ھیچ شتێک رووینەداوە، کە شایەنی باسکردن بێت و یارییەکە بە ئاسایی بەرێوە چووە.
١١- ئاگاداری کۆتایی بۆ سەرجەم یانە بەشداریووەکان لە چالاکی یەکێتییەکەمان، پێویستە کۆنترۆڵی یاریگە و جەماوەر بکەن، لە بەکارھێنان و ھەڵدانی یارییە ئاگرینەکان، داوایش لە لە پیاوانی پۆلیس دەکەین، لە سەرجەم شارەکانی کوردستان رێگری لەم دیاردە ناشیرینەی یاریگەکان بکەن.
١٢- داوا لە بەرپرسی راگەیاندنی یانەکانی پلەیەک و نایابی کوردستان دەکەین، رۆژی شەممە ١٠/٢/٢٠١٨ لە کاتژمێر ١٢:٠٠ ـی نیوەڕۆ بۆ کاری پێویست لە بارەگەی یەکێتییەکەمان ئامادەبن.
١٣- بۆ قۆناغی کۆتایی خولی نایابی لاوانی کوردستان، بریاردرا بە سرینەوەی سەرجەم کارتە زەردە و سوورەکان.
١٤- داوا لە سەرجەم سەرپەرشتیارانی یارییەکان لە چالاکییەکانی یەکێتی تۆپی پێی کوردستان دەکەین، یاریگە کۆنترۆل بکەن و ھەر کەسێک پەیوەندی بە یاری نییە نابێ لە نێو یاریگە ئامادە بێت، بە دەر لە رێنماییەکانی یەکێتییەکەمان، بە پێچەوانەوە تووشی لێپیچینەوە و سزا دەبن.
١٥- سەرجەم یارییەکانی قۆناغی کۆتایی خولی نایابی لاوانی کوردستان، لە رۆژانی پێنج شەممە ئەنجام دەدرێت.


 





ئەم هەواڵە 4594جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad