English | عربی | Kurdî دواهەواڵ
ڕاستەوخۆ  
 
باس له‌ پلانی ستراتیژی چوار ساڵە بۆ پەروەردە کرا
2018-02-04 [02:34 AM]

ZNA - هه‌ولێر


 ئەمڕۆ یەکشەممە له‌شاری هەولێر، وەزارەتی پەروەردەی حکومەتی ناوەند و هەرێمی کوردستان و ڕێکخراوی یونیسێف کۆبوونەوە، بڕیاره‌ ماوەی دوو ڕۆژ قسە لەسەر پلانی کراوەی چوارساڵە بکەن و تیایدا پێداچوونەوە بە پلانەکە بکەن کە لە نێوان هەرسێ لایەن و بۆ ساڵی ۲٠۱٦ تا ۲٠۱۹ واژوو کراوە.

به‌پێی راگه‌یه‌نراوێكی وه‌زاره‌تی په‌ره‌وه‌رده‌ كه‌ وێنه‌یه‌كی بۆ ئاژانسی هه‌واڵی زاگرۆس نێردراوه‌، پلانەکە لە پێنج رەهەند پێک هاتووە کە بریتین لە: ۱.فێرکردن لە باری تەنگەتاوێی مرۆیی ۲.ئەنجوومەنی بەڕێوەبەری قووتابخانە ۳.کارامەییەکانی ژیان ٤.خوێندنی نائاسایی ٥.ڕۆڵی رێکخراوی یونیسێف لە بەرزکردنەوی چۆنایەتی و جۆرایەتی خوێندن.

باس له‌وه‌ش كراوه‌، لەم کۆنفڕانسە دوو ڕۆژەییەدا، لە رۆژی یەکەم کە دوێنێ بوو،قسە لەسەر ساڵی یەکەمی پلانەکە کرا کە ساڵی ۲٠۱٦ بوو تا بزانرێت لایەنە ئەرێنی و نەرێنییەکانی چی بوون و تا چەند سەرکەوتنی بەدەست هێناوە و سەرنج و تێبینییەکانی وەزارەتی پەروەردەی هەرێم و بەغدا وەرگیران و ئاستەنگەکانیش دیاری کران تا لە ڕۆژی دووەم سوودیان لێ وەربگرن کە ئەمڕۆیە و تیایدا قسە لەسەر پلانەکە لە ماوەی ۲٠۱۷ تا ۲٠۱۹ و چۆنیەتی جێبەجێکردنی دەکرێت.

ڕۆژی دووەم لە سێ پانێل پێک دێت کە تیایدا پێداچوونەوە و تاوتوێی ڕەشنووسی سێ ساڵی ماوەی پلانەکە دەکرێت و شێوازی کارکردن لەگەڵ گرووپی پەروەردە دادەنرێت و ئاستەنگەکانی بەردەم هەنگاوەکانی دابێ باسیان لێوە دەکرێت و دواتریش تێبینییەکانی هەردوو وەزارەت دەخرێنە ڕوو.

لە رۆژی یەکەمی کۆنفڕانسەکەدا، کۆنگرەی ڕۆژنامەوانی بۆ هەرسێ نوێنەری وەزارەتی پەروەردەی ناوەند و هەرێم و ڕێکخراوی یونیسێف ئەنجام درا و تیایدا قسەیان لەسەر کۆنفڕانسەکە و چۆنیەتی جێبەجێکردنی پلانەکە لە ماوەی سێ ساڵی ئایندە کرد.





ئەم هەواڵە 562جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad