English | عربی | Kurdî دواهەواڵ
ڕاستەوخۆ  
 
جەنگی کۆکوژی عەفرین گۆڕانی تێدەکەوێت؟
2018-02-04 [06:05 AM]

نووسینی: سەرۆ قادر


 جەنگی تورکیا دژی میللەتی کورد لە هەرێمی عەفرین 15 ڕۆژی تێپەڕاند و تورکیا تا ئێستا نەیتوانیوە ئیرادەی پۆڵاینی کورد لە عەفرین تێکبشکێنێت، ئەوە مایەی خۆشحاڵی و سەربەرزی هەموو کوردستانیانە. سەرباری ئابلوقەی موتڵەق بە  ڕاگەیاندنیشەوە، دیسان کورد لە عەفرین سەرنجی جیهانیان بۆ لای خۆیان ڕاکێشاوە و تێینگەیاندن کە یاسا نێودەوڵەتییەکان بۆ کورد زاڵمانەن و ئەخلاق و بەهاکانی دەوڵەتانی ڕۆژئاوا دادەهێزێنێ.
 ئەوەی من بە وەرچەرخانی دەزانم،گۆڕانی سیاسەتی ڕوسیا، ئێرانە بەرامبەر بەردەوامی شەڕەکە. هەڵبەت سوریا و عێڕاقیش وەک دوو دەوڵەتی وابەستەی ڕوسیا و ئێران، دژایەتییان بۆ شەڕەکە دەربڕی.کەواتە کۆدەنگی ڕوسیا و چوار دەوڵەتە داگیرکەرەکەی کوردستان لێکترازاوە.  رۆژی پێنج شەممە لە شاری حەڵەب خۆپیشاندانێکی فراوان بۆ پشتیوانی عەفرین  هەبوو. دەزانین ئەوە بێ ڕەزامەندی سوریا ناکرێ. هەر دوای ئەوە وەزارەتی دەرەوەی سوریا بە ڕەسمی دژی بەردەوامی جەنگ لە عەفرین  هەڵوێستی  دەوڵەتەکەی خۆی روون کردەوە. لەوەڕا دەردەکەوێ کە ڕوسیا ڕێگای بە سوریا داوە گەمارۆ لەسەر عەفرین بشکێنێت. ئەنجامی ئەوەش گەیشتنی یارمەتی دەبێ بە شەڕڤانەکانی عەفرین. ڕۆژێک دوای ئەوە ئێران بە توندی دژی دەستێوەردانی تورکیا لە سوریا وەستا.  دوای ئێران عێڕاقی تابعیشی دژی دەستێوەردانی تورکیا وەستا. دوێنێ ئاماژەکان ڕوونتر بوونەوە:  لە عەفرین بە رۆکێتی حەراری ڕوسی لە تانکێکی تورکیا درا،  ئەمڕۆ  تەیارەیەکی جەنگی روسیا بە رۆکێتی ستینگەری تورکیا لەلایەن  شەڕکەرە نوسرەییەکانی دۆستی تورکیا کەوتە خوارەوە.  کەواتە هەڵوێستی نوێی سیاسی کەوتە بواری جەنگ لەناو سوریا.
 بۆیە دەکرێ چاوەڕوانی شکانی زیاتری سوپای تورکیا بکەین،  بەتایبەتی کە ئێستا ئەو دەوڵەتە بە تەنیا ماوەتەوە و جەنگێکی ناڕەوای کۆکوژی دژی کورد دەکات کە توندڕۆ ئیسلامیەکانی نوسرە تێیدا بەشدارن. ئەوەش نە بۆ روسیا، نە بۆ ئەمریکا و یەکێتی ئەوروپا قبوڵ ناکرێ.
 کەواتە هاوکێشەکە لە بەرژەوەندی کوردستانی ڕۆژاڤا بە خێرایی لە گۆڕان دایە.
 





ئەم هەواڵە 7687جار خوێندراوەتەوە
 
 
ڤیدیۆ گەلەری
فرۆکەوانێک بەم شێوەیە رێز لە مامۆستاکەی دەگرێت
کچێک بە موعجیزە رزگاری دەبێت
لە عێراق بەم شێوەیە ئاوی باران لادەدەن ، بە دڵنیایی دوو جار سەیری دەکەیەوە
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad