 |
|
|||
ZNA - هەولێر نوسینگەی سەرۆككۆماری ئێران لە ئەنجامی راپرسییەک رایگەیاندووە نیوەی خەڵكی ئێران دژی حیجابكردنی زۆرەملێن.نوسینگەی سەرۆككۆماری ئێران راپۆرتێكی سێ ساڵ بەر لەئێستای بڵاوكردووەتەوە كە تێیدا باس لەوەدەكات كە 49%-ی خەڵكی ئێران دژی حیجابی زۆرەملێن. رۆژنامەی نیۆیۆرك تایمز بڵاویكردووەتەوە كە بڵاوكردنەوەی ئەو راپۆرتە لە ئێستادا وەكوو پشتیوانییەكی كابینەی حەسەن رۆحانی لەو شەپۆلەیەكە کە لە ئێران لەدژی حیجابی زۆرەملێ دەستی پێکردووە و دەسەڵاتی ئێرانیش بەتووندی دژایەتی دەكات. ماوەیە چەند هەفتەیە ژنانی ئێران لە سەر شەقام و شوێنە گشتییەکان سەرپۆشەکانیان بە دارێکەوە دەکەن و بە بەرچاوی خەڵک و هێزە ئەمنییەکاندا بە نیازی دژایەتی‌کردنی سەرپۆشی زۆرە ملی سەرپۆشەکانیان رادەوەشێنن. بە پێی دەستووری ئێران هیچ ژنێک بۆی نییە بێ سەرپۆش لە شوێنە گشتییەکاندا دەربکەوێت. تەنانەت میوانان و گەشتیارانی بیانیش لە پێویستە لە نێوخۆی ئێران سەرپۆش بکەنە سەریان. ئەم هەواڵە 394جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad