English | عربی | Kurdî دواهەواڵ
ڕاستەوخۆ  
 
رێباز حەملان پۆستی وەزیری کشتوکاڵی بە وەکالەت پێسپێردرا
2018-02-08 [10:27 AM]

ZNA-هه‌ولێر


رێباز حەملان، وەزیری دارایی و ئابووریی هەرێمی کوردستان پۆستی وەزیری کشتوکاڵ و سەرچاوەکانی ئاوی بە وەکالەت پێسپێردرا.

لە نووسراوێکدا کە واژۆی نێچیرڤان ئەحمەد، سەرۆکی دیوانی ئەنجوومەنی وەزیرانی لەسەرە و رۆژی 6-2-2018 دەرچووە، هاتووە "بڕیاردرا بە راسپاردنی رێباز حەملان، وەزیری و دارایی و ئابووری بۆ بەڕێوەبردنی کاروباری وەزارەتی کشتوکاڵ و سەرچاوەکانی ئاو بە وەکالەت، سەربای کارەکانی وەزارەتەکەی خۆی، لە رێکەوتی دەرچوونی ئەم فەرمانەوە".

پۆستی وەزیری کشتوکاڵ و سەرچاوەکانی ئاوی هەرێمی کوردستان پشکی کۆمەڵی ئیسلامی کوردستان بوو.

لە کابینەی هەشتەمی حکومەتی هەرێمی کوردستان رێباز حەملان لەسەر پشکی بزووتنەوەی گۆڕان پۆستی وەزیری دارایی وەرگرت، بەڵام وەزیرەکانی گۆڕان لە ساڵی 2015 لە پۆستەکانیان دوورخرانەوە، لە کۆتایی ساڵی رابردوو رێباز حەملان وەک کەسێکی سەربەخۆ وەک وەزیری دارایی دەستبەکاربووەوە.

هەر سێ لایەنی بزووتنەوەی گۆڕان، یەکگرتوو و کۆمەڵی ئیسلامی لە کابینەی هەشتەمی حکومەتی هەرێمی کوردستان کشاونەتەوە، حکومەت بۆ پڕکردنەوەی پۆستەکانیان وەزیرەکانی دیکە بە وەکالەت رادەسپێرێت.





ئەم هەواڵە 1585جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad