English | عربی | Kurdî دواهەواڵ
ڕاستەوخۆ  
 
٢١ کوردی هەرێمی کوردستان لە بەریتانیا دەستگیرکران
2018-02-08 [06:24 AM]

ZNA- هەولێر


 ٢١ کوردی  خەڵکی هەرێمی کوردستان کە دانیشتووی وڵاتی بەریتانیان، بە تۆمەتی ئەنجامدانی کاری قاچاغچیەتی و بازرگانی  بە مرۆڤ لەلایەن پۆلیسی بەریتانیاوە دەستگیرکران.

پۆلیسی ناوچەی تیساید لە شاری میدلزبرەی بەریتانیا  رایگەیاند کە  ٢١ کوردی خەڵکی هەرێمی کوردستانیان بە تۆمەتی بازرگانی ‌کردن بە مرۆڤەوە دەستگیرکردووە.

بەرپرسی ئۆپراسیۆنەکە "مارک سبوسر" لە پۆلیسی بەریتانیا لەکۆنگرەیەکی رۆژنامەوانیدا ئاشکرای کرد کە ماوەیەکە ئەندامانی گرووپەکە لەلایەن پۆلیسی بەریتانیاوە، چاودێری کراون.

مارک سبوسر گووتی پاش چاودێریکردن و دڵنیابوون لە ئەنجامدانی کاری بازرگانی بەمرۆڤ،  تەواوی گرووپەکە کە لە ٢١ کەس پێکهاتوون، لە ناوچەی تیسایده شاری میدلزبرەی بەریتانیا دەستگیرکردووە.

سبورس هەروەها گوتی: بەهۆی ئەوەی ژمارەیەکی زۆر لە کوردانی هەرێمی کوردستان لەناوچەکە، نیشتەجێن، پۆلیس پێشبینی دەکات، سەرچاوەی بازرگانی بەمرۆڤ لە ناوچەی تیسایدەوە  بۆ ئەوروپا لەو ناوچەیە بووبێت.

پۆلیسی بەریتانیا ئاماژەی بەوەشدا کە قاچاغ چییەکان بۆ هەر پەنابەرێک٦ تا ١٠ هەزار جنیهی ئیستەرلینی یان لە پەنابەرەکان وەرگرتووە و لەناوچەی تیسایدەوە بەرە ئەورووپایان گواستوونەتەوە.

 





ئەم هەواڵە 907جار خوێندراوەتەوە
 
 
ڤیدیۆ گەلەری
ھەڵوێستێکی جوانی محەمەد سەڵاح
خاڵ بەدەستھێنان ئاوا دەبێت
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad