English | عربی | Kurdî دواهەواڵ
ڕاستەوخۆ  
 
بەسەرپەرشتی وەزیری پەروەردە شاندی نێوان هەر دوو وەزارەتى ئەوقاف و وەزارەتى پەروەردە کۆبوونەوە
2018-02-08 [07:54 AM]

ZNA-هەولێر


ئەمڕۆ پێنج شەممە 8/2/2018 لەدیوانى وەزارەتى پەروەردە بەسەرپەرشتى به‌ڕێز د.پشتیوان سادق عبدالله وەزیرى پەروەردە و وەزیرى ئەوقاف و کاروبارى ئایینى بەوەکالەت و ئامادەبوونى بەرپرسانى هەر دوو وەزارەت کەپێکهاتبوون لە شاندى  وەزارەتى پەروەردە، بەرێزان مامۆستا کاوە عومەر بەرێوەبەرى گشتى پرۆگرامەکان  مامۆستا کریم بەرێوەبەرى گشتى ئەزموونەکان مامۆستا عبدالله شارەزا لە بەرێوەبەرایەتى گشتى پرۆگرامەکان مامۆستا عباس بەرێوەبەرى خوێندنى ئیسلامى مامۆستا شێرزاد بەرێوەبەرى بەدواداچوون و نووسینگەى به‌ڕێز وەزیرى پەروەردە .

شاندى وەزارەتى ئەوقاف پێکهاتبوون لە بەرێزان د.بشیرخلیل ئەندامى بۆردى باڵاى وەزارەت و جمال خضر پشکێنەرى گشتى و سید سدیق کەپرانى بەرێوەبەرى پشکنین و شێخ ئیبراهیم به‌رزنجی بەرێوەبەرى ئیرشاد و جزا مه‌حمود نادر بەرێوەبەرى حوجرەى فەقێیان.

سەرەتای کۆبونەوە بەرێز د. پشتیوان سادق  وەزیرى پەروەردە بەخێرهاتنى مێوانە بەرێزەکانى کرد دواتر  ئامانجى سەرەکى کۆبوونەوەى خستەروو، ئەویش بابەتى رێکخستنەوەى حوجرەى فەقێیانى سەر بەوەزارەتى ئەوقاف هەر لە دارشتنەوەى وانەکانى حوجرە و شێوازى خوێندن و  مامۆستایانى حوجرە و بڕوانامە و هاوسەنگى کردنى بڕوانەى دەرچووانى حوجرەى فەقێیان بەشێوەیەکى ئەکادیمى کە بگونجێ لەگەڵ سیستمى زانستى پەروەردەیى ئێستا، لەگەڵ ئەوەش پاراستنى مێژووى حوجرەى فەقێیان کە چەندین مامۆستا و زانای وڵاتەکەمانى پێگەیاندوە و بۆتە بەشێک لە کلتور و مێژووى کوردستان، هەروەها کەمکردنەوەى ژمارەى حوجرەکان بەئامانجى رێکخستنەوە و بەرنامەڕێژى کردنى. هەر لەکۆبوونەوەکە گفتوگۆیەکى زانستى پسپۆرى چڕو وورد لەنێوان شاندى هەردوو وەزارەتدا کرا و هەردوولاش تێروانینى جیاجیان خستەڕوو و چەند خاڵێکى گرنگیان خستەڕوو کە ئامانجى سەرەکى هەردوولا گەیشتنە بە میکانیزمێکى یەکانگیر و سەردەمى بۆ رێکخستنى حوجرەى فەقێیان لەکوردستاندا، هەر لەکۆبونەوەکە پرۆگرامێکى تایبەت بەخوێندنى ئیسلامى لەلایەن وەزارەتى پەرورەدە و خوێندنى ئیسلامى بدرێتە وەزارەتى ئەوقاف وەزارەتى ئەوقافیش دواى خوێندنەوە و شرۆڤەکردنى پرۆگرامەکان و  مەنهەجى خوێندنى ئیسلامى  هەڵسەنگاندنى خۆی بکات. دواتر کۆبوونەوەیەکەى هاوبەشى ترى نێوان هەردوولا رێکبخرێت بەئامانجى گەیشتنى بەخاڵە هاوبەشەکان و دانانى مەنهەجێکى گشتگیر بۆ حوجرەکانى فەقێیانى سەر بەوەزارەتى ئەوقاف .





ئەم هەواڵە 1477جار خوێندراوەتەوە
 
 
ڤیدیۆ گەلەری
ھەڵوێستێکی جوانی محەمەد سەڵاح
خاڵ بەدەستھێنان ئاوا دەبێت
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad