English | عربی | Kurdî دواهەواڵ
ڕاستەوخۆ  
 
ئەندامێکی پەرلەمانی عێراق: پێویستە سەلیم جبوری خوێندنەوەی دووەمی پڕۆژە یاسای بودجە رابگرێت
2018-02-09 [02:30 AM]

ZNA-هەولێر


پەرلەمانتارێکی کوردی سەر بە فراکسیۆنی پارتی دیموکراتی کوردستان،لە ئەنجومەنی نوێنەرانی عێراق، رایدەگەیەنێت، کە ئەگەر بێت و پەرلەمان بەردەوام بێت لە ھەلپەساردنی ئەندامیەتی سێ پەرلەمانتارە کوردەکە لیستە کوردستانییەکان، بایکۆتی دانیشتنەکانی پەرلەمان دەکەن.

ئەشواق جاف، پەرلەمانتاری کوردی ئەنجومەنی نوێنەرانی عێراق لە فراکسیۆنی پارتی دیموکراتی کوردستان، بو ئاژانسی هەواڵی زاگروسی راگەیاند، ئەم سزایەی سێ پەرلەمانتارە درێژەدان بەسزادانی مللەتی کوردە کەلەمانگی 2ی 2014 دەستی پێکرد چونکە سێ پەرلەمانتارەکە بەرگری لە مافی خەلکی کوردستان و مافی پێشمەرگە کردووە.

کە ھەڵپەساردنی ئەندامیەتی سێ پەرلەمانتاری کورد، بەھۆی ئەو دەمەقاڵێیەی کە لە دواین دانیشتنی پەرلەماندا رووی دا، لەکاتی خوێندنەوەی دووەمی پڕۆژەیاسای بودجە، نادادپەروەرانەیە و گونجاو نییە، بە پێشێلکردنی مافی تەواوی گەلی کورد ھەژمار دەکرێت، نەک تەنیا ئەو سێ پەرلەمانتارە.

ئەو پەرلەمانتارە، ئەوەشی خستە روو: "پێوستە لەسەر سەلیم جبووری، سەرۆکی ئەنجومەنی نوێنەرانی عێراق، خوێندنەوەی دووەمی پڕۆژە یاسای بودجە رابگرێت، تا ئەوکاتەی کێشەکانی پەیوەست بەوبابەتە چارسەر دەکرێن".

هەروەها جەختی لەوەش کردەوە، کە تا ئەو بڕیارە ھەڵنەوەشێتەوە، لیستە کوردستانییەکان بەردەوام دەبن لە بایکۆتکردنی دانیشتنەکانی پەرلەمان.

ئەشواق جاف، ئەوەشی روون کردەوە، کە پەرلەمانتارانی کوردن، بەرگری لە قوتی گەلی کورد و شایستە داراییەکانی پێشمەرگە دەکەن و داواشی کرد کە سەرجەم بڕیارەکانی پەرلەمان، دادپەروەرانە بێت و بەسەر ھەموواندا جێبەجێ بکرێت.

ئەنجومەنی نوێنەرانی عێراق، لە روژی چوارشەممەدا، بڕیاری ھەڵپەساردنی ھەریەک لە سیروان عەبدولڵا و شاخەوان عەبدولڵا، پەرلەمانتاری پارتی و مەسعود حەیدەری، لە فراکسیۆنی گۆڕان، ھەڵپەسارد.

زرار ناجی





ئەم هەواڵە 2059جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad