English | عربی | Kurdî دواهەواڵ
ڕاستەوخۆ  
 
نە دەستوور و نە یاسای نێوخۆیی و نێودەولەتی ئەم شێوازە بڕیارەی قبول نیە
2018-02-09 [07:32 AM]

ZNA - هەولێر


یاساناسێك رایگه‌یاند: گومان نیە ئەمە دەرهاوێشتەی رووداوەکانی دوای 16 ئۆکتۆبەرە، بۆ ئه‌و بەشەی یاسایی بوونی ئه‌م بابەتە نەك هەر یاسایی نیە بگرە پێشێل کردنی دەستوورە و بە هیچ شێوەیەك جێگای قبوول نیە بەوەی دەیانەوێ لە پەرلەمان بە پشتیوانی دەستەلاتی زۆرینە شیعە.

د. فکری عەزیز لیزانی دادوەری و یاساناس به‌ ئاژانسی هه‌واڵی زاگرۆسی راگه‌یاند: کورد خۆیی بۆتە خۆکوژی خۆیی و ئەو ڕوداوانەی ڕویداوە دەستی خۆیی تێدایە ئەمەش وای کردووە ئەمانە زاتی ئەوە بکەن ئەم جۆرە بڕیارانە بدەن و بەبێ گەڕانەوە بۆ پڕۆتۆکۆلە نێوخۆیی و میساقی شەرەفی نێوانیان ئەم جۆرە کارانە بکەن بیریشمان نەچێ بیری شۆڤێنی عەرەبی هەموو کات هەر وا بیری کردۆوتەوە کاتێ هێزی هەبووبێ سل ناکاتەوە لە بەکارهێنانی دەستەڵاتی بە خراپترین شێواز و نەگرتنە بەر چاوی هیچ یاسا و ڕێسایەکی مرۆڤانە خۆ کاتێکیش هێزی نەبوبێ گفتوگو و دانوستاندنی کردۆوتە بەهانە بۆ جێبەجێ نەکردن و خۆدزینەوە لە بەلێن و مافەکانی بەرامبەری.

ئه‌و یاساناسه‌ گوتی: تورکمانەکانیش ئەوانەی هەلگری هەمان بیرو باوەری ئەوانن لەسەر هەمان ڕێچکە درێژە بەم ڕێبازە بۆگەنە دەدەن کاتێک هێز و سەنگی بڕیار لە کەرکوك لای کورد بوو خویان بە برای کورد دەزانی، بەلام لەگەل ئاوابونی ڕۆژی کورد لەم ناوچەیە وەك شەمشەمە کوێرە شەوە زەنگی ویژدانی هێزی داگیرکەریان قۆستەوە دوژمنداری و كینی چەند سالەیان بەرامبەر بە برای دۆێنێ ڕاگەیاند، هیچ کاتێك ئەمەش نابێتە سوپرایس بۆ گەلی کورد و خەلکانی کوردستان، چونکە مێژوو گشت کات ئەوەی بۆ سەلماندووین کاتێڬ کورد خۆی دەبێتە دوژمنی خۆی دوژمنانیش بەو پەڕی بێ وژدانی ئەوەی بۆیان بکرێت درێخی لێ ناکەن و هەر کاتێکیش پێچەوانە کە یەکگرتوبوون ئەوا هیچ زاتێک ناوێری باسی بکات پوختەکەی بابەتیش دەستەڵاتی شیعە و تورکمان کورد بە دۆڕاوی شەر دادەنێن و دەیانەوێ بە بڕیاری واقیعی غروری سەرکەوتنی هزری خویان ملکەچ بکەن ئەگەر نا نە دەستوور و نە یاسای نێوخۆیی و نێودەولەتی و نە عورف و نەعادات ئەم شێوازە بڕیارەی قبول نیە.

عه‌ره‌ب و توركمانه‌كانی كه‌ركوك پڕۆژه‌یه‌كیان ده‌رهێناوه‌ كه‌ وه‌ك خویان ده‌ڵێن پوسته‌كانی ئه‌و شاره‌ هه‌ر یه‌كه‌و 32% پێبدرێت به‌لام كورد ده‌ڵێن ئه‌مه‌ دژی هه‌موو یاساو ده‌ستووره‌كانه‌ پوسته‌كان ئه‌بێ به‌ ڕێژه‌ی ده‌نگدان بێت.

احمد غفور





ئەم هەواڵە 2269جار خوێندراوەتەوە
 
 
ڤیدیۆ گەلەری
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
لە پەخشی راستەوخۆی گێچەڵی سێکسی پێدەکرێت
خەونی ھەمو ئافرەتێک , کەسێکی ئاوای ھەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad