English | عربی | Kurdî دواهەواڵ
ڕاستەوخۆ  
 
گۆڕان گەندەلێکی گەورەی ئاسایشی سلێمانی ئاشکرا دەکات
2018-02-12 [11:31 AM]

ZNA- ھەولێر


لە بازگەکانی ئاسایشی سلێمانی و چەند شوێنێکی دیکە، کۆمپانیایەک بە ناوی دڵنیایی، سەرانە لە هاووڵاتییان وەردەگرێت و ئەندامێکی فراکسیۆنی گۆڕانیش لە ئەنجومەنی پارێزگای سلێمانی ئاشکرای دەکات، ”دەستی بەرپرسانی حزبیی سلێمانی لە پشتەوەیە“.

 

غالب محەمەد، سەرۆکی لێژنەی نەوت و گازی ئەنجومەنی پارێزگای سلێمانی کە لەسەر پشکی بزووتنەوەی گۆڕانە، ڕاگەیاند: ”داوای کۆبونەوەی نائاسایی ئەنجومەنی پارێزگای  سلێمانیمان کردووە لەسەر بابەتی وەرگرتنی پارە لە خەڵک، چونکە وەرگرتنی سەرانە لەلایەن ئەو کۆمپانیایانە کە بێ ئەوەی مۆڵەتی فەرمیی حکوومەتیان ھەیێت،  کار دەکاتە سەر ناوبانگی سلێمانی و چێشتخانە و ھۆتێلەکان و کۆمپانیا گەشتیارییەکانیش کەمتر دێنە شارەکە“.

 

بەپێویستیشی زانی کە لەلایەن پەرلەمانی کوردستانەوە لێژنەی لێکۆڵینەوە دروست بکرێت، بۆ لێکۆڵینەوە لەو کۆمپانیایانەی کە سەرانە لە خەڵکی سلێمانی وەردەگرن. 

 

بەرپرسەکەی گۆڕان تۆمەتی وەرگرتنی سەرانەی ئاراستەی یەکێتیی نیشتمانیی کوردستان کرد کە لەو سنوورەدا باڵادەستە و گوتی: ”کۆمەڵێک بەرپرسی حزبیی سلێمانی شتێک نەماوە پەنای بۆ بەرن کە گەندەڵی تێدا بکەن، ئێستا پەنایان بردووەتە بەر ئەم کارە نایاساییە کە لەم قەیرانەدا سەرانە لە هاووڵاتییان وەربگرن“.

 

داوای ئەوەشی کرد کە ڕێگری لەم کارانەدا بکرێت، گوتیشی: ”جێگەی سەرسوڕمانە کۆمپانیا لەلای بازگەی ئاسایش و ھەروەھا گومرگی سلێمانی و مەرزەکانی پەروێزخان، پارە بەو شێوەیە وەربگرن، لەکاتێکدا ھیچ موڵەتێکی فەرمییان نەبێت“.

 

پێشتر 14 ئەندامی ئەنجومەنی پارێزگای سلێمانی واژۆیان لەسەر داواکارییەک کردووە، تاوەکوو کۆبوونەوەیەکی بەپەلە و نائاسایی ئەنجومەنی پارێزگای سلێمانی لەمبارەیەوە بکرێت، بەڵام تائێستا هیچ وادەیەک بۆ ئەو کۆبوونەوەیە دیاری نەکراوە.

 

 

 

باس





ئەم هەواڵە 2620جار خوێندراوەتەوە
 
 
ڤیدیۆ گەلەری
ھەڵوێستێکی جوانی محەمەد سەڵاح
خاڵ بەدەستھێنان ئاوا دەبێت
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad