English | عربی | Kurdî دواهەواڵ
ڕاستەوخۆ  
 
دۆخی تەندروستی ئەبوبکر بەغدادی تێکچووە
2018-02-12 [12:08 PM]




گەورە بەرپرسێکی وەزارەتی ناوخۆی عێراق زانیاریی نوێ لەبارەی شوێن و رەوشی تەندروستیی ئەبوبەکر بەغدادی، "خەلیفە"ی رێکخراوی داعش ئاشکرادەکات.

ئەبو عەلی بەسری، سەرۆکی شانەی هەڵۆکانی هەواڵگریی و بەڕێوەبەری گشتیی هەواڵگریی و دژەتیرۆر لە وەزارەتی ناوخۆی عێراق دەڵێت، ئەبوبەکر بەغدادی تاوەکو ئێستا لە ناوچەی جەزیرەی سووریای نزیک سنووری عێراقە. هاوکات رەتیدەکاتەوە لەو کاتەدا بۆ هیچ شوێنێکی دیکە هەڵاتبێت.

ئەبو عەلی بەسری بە رۆژنامەیەکی عێراقی راگەیاندووە: "بەپێی زانیارییەکانیان دۆخی تەندروستی و دەروونیی ئیبراهیم عەواد سامەرائی، ناسراو بە ئەبوبەکر بەغدادی تێکچووە و بەهۆی شکان و بوونی برینێکی سەخت لە جەستەیدا، ناتوانێت بەتەنیا رێبکات".  

بەگوتەی بەسری، بەپێی ئەنجامی چاودێری نهێنی شانەی هەڵۆکان و شیکردنەوەکانیان، "دۆخی بەغدادی  مەترسیدارە، لەگەڵ ئەوەشدا تووشی نەخۆشیی شەکرە بووە و لە دوایین رۆژەکانی ژیانیدایە".

ئیبراهیم عەواد ئیبراهیم ئەلبەدری ئەلسامەڕایی، ناسراو بە ئەبوبەكر بەغدادی، لە ساڵی 2010ەوە سەركردەی رێكخراوی دەوڵەتی ئیسلامیی عێراق (داعش)ە كە لقی ئەلقاعیدە بوو لە عێراق. یەکێک لە داواکراوە سەرەکییەکانیشە لەلایەن عێراق و ئەمریکا.





ئەم هەواڵە 1366جار خوێندراوەتەوە
 
 
ڤیدیۆ گەلەری
ھەڵوێستێکی جوانی محەمەد سەڵاح
خاڵ بەدەستھێنان ئاوا دەبێت
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad