English | عربی | Kurdî دواهەواڵ
ڕاستەوخۆ  
 
سەرۆکی فەرەنسا سەردانی عێراق دەکات
2018-02-12 [03:50 AM]

ZNA - هه‌ولێر


 

وەزیری دەرەوەی فەرەنسا ئاشکرای کرد کە لە داهاتوویەکی نزیکدا سەرۆکی فەرەنسا سەردانی عێراق دەکات. دوای سەردانی ئەمڕۆی بۆ بەغدا و دیدار لەگەڵ ئیبراهیم جەعفەری هاوتای عێراقیی خۆی، «ژان لودریان» وەزیری دەرەوەی فەرەنسا ڕایگەیاند لە داهاتوویەکی نزیکدا، ئیمانویل ماکرۆن سەرۆکی وڵاتەکەی بەمەبەستی دیدار و کۆبوونەوە لەگەڵ بەرپرسانی عێراق، سەردانی بەغدا دەکات.

 

سەردانی هەرێمی کوردستان وێستگەی دووەمی سەردانی وەزیری دەرەوەی فەرەنسا و شاندی یاوەری دەبێت کە تیایدا لەگەڵ سەرۆک وەزیران و گەورە بەرپرسانی هەرێمی کوردستان کۆدەبێتەوە.

 

شایانی باسە، فەرەنسا یەکێک لەو وڵاتانەیە کە ڕۆڵێکی گرنگی گێڕاوە لە ئاساییکردنەوەی پەیوەندیی نێوان بەغدا و هەولێر، بەتایبەت دوای ڕووداوەکانی ١٦ی ئۆکتۆبەر کە بەغدا کۆمەڵێک ئابڵۆقە و سزای بە سەر خەڵکی کوردستاندا سەپاند، سەردانی ماکرۆن بۆ بەغداش لە چوارچێوەی ئەو فشارە نێودەوڵەتییان بۆ سەر حەیدەر عەبادی دێت کە دەبێ بەپێی دەستووری عێراق، کێشەکانی لەگەڵ هەرێمی کوردستان چارەسەر بکات. هەربۆیە جگە لە میوانداریی پێشتری نێچیرڤان بارزانی سەرۆک وەزیرانی هەرێمی کوردستان و جێگرەکەی لەلایەن ئیمانۆیل ماکرۆن سەرۆکی فەرەنسا، سەردانی ڕۆژی ڕابردووی وەزیری بەرگریی ئەڵمانیا و سەردانی ئەمجارەی وەزیرەی دەرەوەی فەرەنسا بۆ هەولێر، شکاندنی ئەو بەستەڵەکەیە و پەیامێکە بۆ بەغدا کە ئەوان بەردەوام دەبن لە پشتیوانیکردنی حکومەتی هەرێمی کوردستان و هانی بەغدا دەدەن کە ڕێز لە مافەکانی خەڵکی کوردستان بگرێت. هاوکات بڕیارە لەچەند ڕۆژی داهاتوودا لەسەر بانگهێشتی فەرمیی حکومەتی ئەڵمانیا، سەرۆک وەزیرانی هەرێمی کوردستان بە سەرۆکایەتیی شاندێکی باڵای حکومەت سەردانی ئەو وڵاتە بکات.

 





ئەم هەواڵە 1912جار خوێندراوەتەوە
 
 
ڤیدیۆ گەلەری
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
لە پەخشی راستەوخۆی گێچەڵی سێکسی پێدەکرێت
خەونی ھەمو ئافرەتێک , کەسێکی ئاوای ھەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad