English | عربی | Kurdî دواهەواڵ
ڕاستەوخۆ  
 
فرۆکەخانەکانی کوردستان دەکرێنەوە 
2018-02-13 [06:40 AM]

ZNA- ھەولێر 


حکومەتی عێراق رەزامەندی دا گەشتەکانی عومرەکاران لە فڕۆکەخانەکانی ھەرێمی کوردستانەوە ئەنجامبدرێن.


دەسەڵاتی فڕۆکەوانیی مەدەنی عێراق لە نووسراوێکی فەرمیدا ئاشکرایکرد: "سەرۆکوەزیرانی عێراق حەیدەر عەبادی رەزامەندی دا فڕۆکەکانی گواستنەوەی عومرەکاران لە فڕۆکەخانە نێودەوڵەتییەکانی ھەولێر و سلێمانی بفڕن و بنیشنەوە".

دەسەڵاتی فڕۆکەوانی مەدەنی عێراق گوتیشی "ئەو رێگەپێدانە مەرجدارە بەوەی بەردەوام لە ژمارەی گەشتەکانمان ئاگادار بکەنەوە".

ئەمە لەکاتێکدایە سێ مانگە وەرزی عومرە دەستیپێکردووە، ساڵانی رابردوو لەم کاتانەدا فڕۆکەخانەکانی کوردستان جمەیان دەھات و لە٢٠١٧ـدا ١٧ھەزار کەس لە کوردستانەوە گەشتی عومرەیان کرد، بەڵام ئەمساڵ تائێستا ھیچ کەسێک لە کوردستانەوە عومرەی نەکردووە.

رۆژی ٢٩-٩-٢٠١٧، حکومەتی عێراق بڕیاری راگرتنی گەشتە ئاسمانییەکانی بۆ ھەردوو فڕۆکەخانەی ھەولێر و سلێمانی خستە بواری جێبەجێکردنەوە، ئەمەش دوای ئەوەی لەبەرامبەر ئەنجامدانی گشتپرسی باشووری کوردستان، پەرلەمانی عێراق ١٢ بڕیاری دژی ھەرێمی کوردستان پەسەند کرد کە یەکێکیان راگرتنی گەشتە ئاسمانییە نێودەوڵەتییەکانی ھەردوو فرۆکەخانەی ھەولێر ‌و سلێمانی بوو.

سەرچاوە / رووداو
 





ئەم هەواڵە 2467جار خوێندراوەتەوە
 
 
ڤیدیۆ گەلەری
ھەڵوێستێکی جوانی محەمەد سەڵاح
خاڵ بەدەستھێنان ئاوا دەبێت
زۆر خراپ دەکەوێتە خوارەوە
لە قافا گیرا
سامسۆنگ گاڵتە بە ئەپڵ دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad