English | عربی | Kurdî دواهەواڵ
ڕاستەوخۆ  
 
تیلەرسن: داوا لەتاران دەكەین هێزەكانیان لە عێراق و سوریا بكشێننەوە
2018-02-14 [09:18 AM]

​ZNA – هەولێر


وه‌زیری ده‌ره‌وه‌ی ئه‌مریكا ریكس تیلەرسن، داوا له‌ ئێران ده‌كات هێزه‌كانی له‌ عێراق و سووریا بكێشێته‌وه‌و هەروەها ئاینده‌ی هێزه‌كانی ئه‌مریكا له‌ عێراق، په‌یوه‌سته‌ به‌گفتوگۆكردن له‌گه‌ڵ حه‌یده‌ر عه‌بادی سه‌رۆك وه‌زیرانی عێراق.

تیلەرسن له‌ دیدارێكی ته‌له‌ڤیزیۆنیدا گوتوویه‌تی: "ده‌رباره‌ی بوونی ئێران له‌ وڵاتانی سووریا و یه‌مه‌ن و لوبنان و عێراق، ئێمه‌ پێمانوایه‌ بوونی ئێران له‌و ناوچانه‌دا ئارامی و سه‌قامگیری بۆ هاووڵاتیان لێ ناكه‌وێته‌وه‌، جارێكی دیكه‌ داوا له‌ تاران ده‌كه‌ین هێزه‌كانی بگه‌ڕێنێته‌وه‌ بۆ ئێران، ئه‌وه‌ش ئاراسته‌ راسته‌كه‌یه‌ بۆ داهاتوو".

تیلەرسن ئەوەشی گوت: "هێزه‌كانی ئه‌مریكا له‌ عێراق و سووریا ده‌مێننه‌وه‌ تا شكست به‌ داعش ده‌هێنن و ده‌سته‌به‌ری ئه‌وه‌ ده‌كه‌ن كه‌ جارێكی دیكه‌ توانای گه‌ڕانه‌وه‌یان نییه‌".

تیلەرسن ده‌ڵێت: "ویلایه‌ته‌ یه‌كگرتووه‌كانی ئه‌مریكا  له‌باره‌ی ئاینده‌ی هێزه‌كانی له‌ عێراق، له‌گه‌ڵ حه‌یده‌ر عه‌بادی سه‌رۆك وه‌زیرانی عێراق گفتوگۆ ده‌كات، ئێمه‌ ده‌زانین و عه‌بادیش دانی به‌وه‌دا ناوه‌ كه‌ هه‌ندێك له‌ ئه‌ندامانی داعش هێشتا مه‌ترسی دروست ده‌كه‌ن بۆ عێراق، ئێمه‌ ده‌مێنینه‌وه‌ تا به‌ته‌واوه‌تی دڵنیا ده‌بینه‌وه‌ كه‌ ئه‌و هه‌ڕه‌شانه‌ نه‌ماون‌".

له‌باره‌ی ھێزه‌كانیان له‌ سووریا گووتی: "له‌ سووریاش ئامانجمان شكستپێهێنانی ته‌واوه‌تی داعش و ده‌سته‌به‌ركردنی سه‌قامگیرییه‌ بۆ ته‌واوی وڵات".

 





ئەم هەواڵە 3343جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad