English | عربی | Kurdî دواهەواڵ
ڕاستەوخۆ  
 
سەرۆکوەزیرانی عێراق رایگەیاند، بەمزووانە فڕۆکەخانەکانی هەرێمی کوردستان دەکرێنەوە
2018-02-19 [05:01 AM]

​ZNA - هەولێر


 حەیدەر عەبادی، سەرۆکوەزیرانی عێراق لە چاوپێکەوتنێکی تەلەڤزیۆنیدا رایگەیاند، بەمزووانە فڕۆکەخانەکانی هەرێمی کوردستان دەکرێنەوە و تیمێکی تایبەت بەو پرسەمان رەوانەی هەرێمی کوردستان کردووە.

عەبادی سەبارەت بە رەوانەکردنی مووچەی فەرمانبەرانیش گوتی: هەندێک کاری تایبەت بە رەوانەکردنی مووچەی فەرمانبەران ماون و تەواو نەکراون، بەڵام لە رەوانەکردنی مووچەی فەرمانبەرانی هەرێمی کوردستان زۆر نزیکبووینەتەوە. گوتەکانی عەبادی لەکاتێکدایە، لەماوەی رابردوودا چەندینجار بەڵێنی ناردنی مووچەی فەرمانبەران و کردنەوەی فڕۆکەخانەکانی هەرێمی کوردستانی داوە، بەڵام جگە لە قسە و بەڵێن هیچی جێبەجێنەکردووە.

ئەم لێدوانانەی عەبادی دوای ئەوە بڵاوکرایەوە کە شاندێکی باڵای هەرێمی کوردستان پێکهاتوو لە نێچیرڤان بارزانی سەرۆكوەزیران و مەسروور بارزانی راوێژکاری ئەنجومەنی ئاسایشی هەرێمی کوردستان و قوباد تاڵەبانی و چەند بەرپرسی دیکەی هەرێمی کوردستان لە میونشن چاویان بە سەرۆکوەزیرانی عێراق کەوت.

نێچیرڤان بارزانی دوای ئەم چاوپێکەوتنە و دیدار لە گەڵ چەندین بەپرسی وڵاتانی جیهان لە کۆنگرەکەدا، بە میدیاکانی راگەیاندبوو، لەمەودا بنبەستنی دیپلۆماسیی دووای ریفراندۆمی سەربەخۆیی هەرێمی کوردستانمان تێپەڕاندووە.





ئەم هەواڵە 922جار خوێندراوەتەوە
 
 
ڤیدیۆ گەلەری
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad