English | عربی | Kurdî دواهەواڵ
ڕاستەوخۆ  
 
ژه‌می به‌یانیان گرنگترین‌ ژه‌می‌ خواردنه‌
2018-02-22 [08:38 AM]

ZNA- ھەولێر


خوانی ژه‌می به‌یانیان به‌ گرنگترین و ته‌ندروست ترین ژه‌م داده‌نرێت و پسپۆڕانی ته‌ندروستی به‌رده‌وام جه‌خت ده‌كه‌نه‌وه‌ له‌سه‌ر ئه‌وه‌ی كه‌ پێویسته‌ گرنگییه‌كی زۆر به‌ خواردنی ئه‌و ژه‌مه‌ بدرێت، چونكه‌ پشتگوێ خستنی ژه‌می به‌یانیان زیانی ته‌ندروستی به‌دواوه‌یه‌ و هۆكارێكه‌ بۆ زیادبونی كێشی له‌ش.

ئه‌نجامی توێژینه‌وه‌یه‌كی نوێ ئاشكرای ده‌كات خواردنی ژه‌می به‌یانیان بۆ ته‌ندروستی له‌ش زۆر گرنگه‌ و پشتگوێ خستنی ئه‌و ژه‌مه‌ هۆكارێكه‌ بۆ زیادبونی كێشی له‌ش.

توێژینه‌وه‌كه‌ چه‌ند پسپۆڕێكی به‌ریتانی له‌سه‌ر زیاتر له‌ هه‌زار كه‌س ئه‌نجامیانداوه‌ و بۆیان ده‌ركه‌وتووه‌ نه‌خواردنی نانی به‌یانی ساڵانه‌ 12 كیلۆ له‌كێشی له‌ش زیاد ده‌كات.

به‌ڕای سه‌رپه‌رشتیارانی توێژینه‌وه‌كه‌ نه‌خواردنی ژه‌می به‌یانی دواده‌كات له‌ژه‌مه‌كانی دیكه‌ خۆراكی ناته‌ندروست بخورێت، ئه‌مه‌ش زیاتر له‌نێوان فه‌رمانبه‌راندا ڕوده‌دات، چونكه‌ %37ی فه‌رمانبه‌ران نانی به‌یانی پشتگوێ ده‌خه‌ن و له‌ هه‌فته‌یه‌كدا چه‌ند جارێكی كه‌م له‌ به‌یانیاندا نان ده‌خۆن.

به‌پێی توێژینه‌وه‌كه‌ %45 ئه‌و كه‌سانه‌ی ژه‌می به‌یانیان پشت گوێ ده‌خه‌ن، له‌ نیوه‌ی ڕۆژدا هه‌ست به‌ برسێتییه‌كی زۆر ده‌كه‌ن، %30شیان هه‌ست به‌ ماندوێتی و كه‌م توانایی ده‌كه‌ن هه‌روه‌ها %14 هه‌ست به‌ توڕه‌یی ده‌كه‌ن، ئه‌مه‌ جگه‌ له‌وه‌ی %12 ئه‌و كه‌سانه‌ی به‌هۆی بیرچونه‌وه‌وه‌ نانی به‌یانیان ناخۆن.

پسپۆڕه‌كان جه‌خت ده‌كه‌نه‌وه‌ له‌سه‌ر خواردنی نانی به‌یانی چونكه‌ كاریگه‌ری ده‌بێت له‌سه‌ر هه‌ڵبژاردنی جۆری خۆراكه‌كان له‌ژه‌مه‌كانی دیكه‌دا و واده‌كات ئه‌و كه‌سانه‌ زیاتر خۆراكی ناته‌ندروست بخۆن.

ڕۆژنامه‌ی ده‌یلی مه‌یلی به‌ریتانی كه‌ ئه‌نجامی توێژینه‌وه‌كه‌ی بڵاوكردۆته‌وه‌ ئاماژه‌ به‌وه‌ ده‌كات نه‌خواردنی خۆراك له‌ ژه‌می به‌یانی واده‌كات له‌ش ڕۆژانه‌ 252 یه‌كه‌ی گه‌رمۆكه‌ی زیاده‌ی ده‌ست بكه‌وێت، كه‌ له‌ساڵێكدا ده‌كاته‌ ده‌كاته‌ زیاتر له‌ 91 هه‌زار گه‌رمۆكه‌، ئه‌مه‌ به‌سه‌ بۆ ئه‌وه‌ی له‌ ساڵێكدا 12 كیلۆ له‌ كێشی له‌ش زیاد ببێت.

سوده‌كانی خواردنی نانی به‌یانیان ته‌نها له‌مه‌دا كورت نابێته‌وه‌ به‌ڵكو كاریگه‌ری له‌سه‌ر باری ده‌رونی هه‌یه‌ و وردبینی له‌ كاتی كاركردندا زیاد ده‌كات هه‌روه‌ها ئه‌گه‌ری توشبوون به‌ نه‌خۆشییه‌ درێژخایه‌نه‌كای وه‌ك شه‌كره‌ و فشاری خوێن كه‌مده‌كاته‌وه‌.

گرنگترین خۆراك بۆ ژه‌می به‌یانییان

1-    هێلكه‌: خواردنی هێلكه‌ له‌به‌یانییاندا وزه‌و توانا به‌ له‌ش ده‌به‌خشێت.
   
2-    شیره‌مه‌نی: خواردنی شیره‌مه‌نییه‌كان له‌به‌یانییاندا له‌ش به‌هێز ده‌كات، چونكه‌ به‌ سه‌رچاوه‌ی كالسیۆم داده‌نرێت.

3-    میوه‌: ده‌توانرێت له‌به‌یانییاندا ته‌نها پشت به‌ خواردنی میوه‌كان ببه‌سترێت، چونكه‌ سه‌رجه‌م پێویستییه‌كانی له‌ش له‌ ماده‌ خۆراكییه‌كان دابین ده‌كه‌ن.

4-    سه‌وزه‌: پێویستیی له‌ش به‌ ماده‌ خۆراكییه‌كان پڕده‌كاته‌وه‌ و ڕێگری ده‌كات له‌ زیادبوونی كێش.

5-    خواردنه‌وه‌ی چا و قاوه‌: خواردنه‌وه‌ی شله‌مه‌نیی گه‌رمی وه‌ك چا و قاوه‌ له‌ به‌یانییاندا له‌ش چالاك ده‌كات ئه‌مه‌ش به‌هۆی ده‌وڵه‌مه‌ندییان به‌ ماده‌ی كافائین.





ئەم هەواڵە 4534جار خوێندراوەتەوە
 
 
ڤیدیۆ گەلەری
مارێک ئافرەتێک قووت دەدات , تکایە سەرووی ١٨ ساڵ
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad