English | عربی | Kurdî دواهەواڵ
ڕاستەوخۆ  
 
سیستمێكی خۆراكی یارمەتی دابەزاندنی كێشت دەدات
2018-02-22 [10:17 AM]

ZNA- ھەولێر


بەپێی ئەنجامی توێژینەوەیەكی پزیشكی پەیڕەوكردنی سیستمی خۆراكی پڕ پرۆتین سەركەوتووترین ڕێگایە بۆ دابەزاندنی كێشی زیادەی لەش، بە تایبەت بۆ ڕەگەزی مێینە.

توێژیژنەوەكە لەلایەن چەند پسپۆڕێكی ئوستورالی لە زانكۆی سیدنی ئەنجامدراوە و پسپۆڕەكان پشتیان بە بەكارهێنانی سیستمێكی خۆراك و ئەنجامدانی وەرزش بەستووە بۆ دابەزاندنی كێشی لەش.

بۆ دەرخستنی ئەنجامەكان توێژەرەكان چاودێری 71 ئافره‌تيان كردووە كە تەمەنیان لە نێوان 18 تا 25 ساڵدا بووە و كێشەی قەڵەوییان بووە، بۆ ماوەی ساڵێكیش بەردەوام چاودێری ئەو كەسانە كراوە.

بەشداربوانی توێژینەوەكە خراونەتە بەردەم دوو جۆر سیستمی خۆراكی، یەكێكیان پڕ پرۆتین و ئەوی دیكەش پڕ كاربۆهیدرات بوو لەگەڵ لەبەرچاوگرتنی ئەوەی كە هەردوو جۆرە خۆراكەكە هەمان بڕكالۆری و چەوریان تێدا بووە.

سەرجەم بەشداربوانی توێژینەوەكە بڕێك كێشیان لە دەســــــتداوە، بەڵام ئە وئافره‌تانه‌ی خۆراكەكانیان پڕ پرۆتین بووە دوو ئەوەندەی ئەوانی دیكە كێشیان كەمی كــردووە و ئەوەش نیشانەیەكە بۆ ئەوەی ژەمە خۆراكە پڕ لە پرۆتینەكان یارمەتی دابەزاندنی كێشی لەش دەدەن.





ئەم هەواڵە 7282جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad