English | عربی | Kurdî دواهەواڵ
ڕاستەوخۆ  
 
با لاپەڕەکانی مێژووی خیانەت هەڵدەینەوە
2018-03-08 [10:22 AM]

نووسینی: بەهمەن کاک عەبدوڵا


ووڵامێك بۆ مەلا بەختیار 

مەلابەختیار لە دیبەیتەکەی کەناڵی ڕووداو دا لە ووڵامی پرسیارێکی یەکیک لە بەشداربوان ، لەسەر خیانەتی ۱٦ی ئۆکتۆبەر گوتی بالاپەڕەکانی مێژووی خیانەت هەڵنەدەینەوە و بائێمەش باسی ۳۱ی ئاب نەکەین .

من بەمەلا بەختیار دەڵێم کەرەمکەن بالاپەڕەکانی مێژووی کورد و خیانەتکاران هەڵدەینەوە ، بابەنەوەکانی ئیستامان بڵێین کێ بوون ئەوانەی ڕیزەکانی بەهێزترین شۆڕشی کوردیان لەساڵی ۱۹٦٤ز دا ، کەرت کرد و چونە هەمەدان بوون بەجاش ، پاشان با ڕوونی بکەینەوە بزانین لە ساڵی ۱۹٦٦ز کێ لە بەکرەجۆ و کەلاری کۆنەوە ، بوە کۆڵوانە سوری بەردەم لەشکری بەعس بۆ سەر شۆڕشگێڕانی شۆڕشی ئەیلول ؟ دواتر لەشاعیران و نوسەران و ئەدیبانی کورد بپرسین کێ ووشەی جاشی لەفەرهەنگی کوردی باشوردا زیاد کردوە .

ئەوجا کاك مەلا بابێینە سەر ۳۱ی ئاب و ۱٦ ی ئۆکتۆبەر ، بابزانین جیاوازی ئەم دوو ڕوداوە چیە ، ئەم دوو ڕوداوە هەر دوکیان یەکشتن لە چی دا ؟ لە ۳۱ی ئابی ساڵی ۱۹۹٦ دا حزبەکەی جەنابت هەمان خیانەتی ۱٦ی ئۆکتۆبەری کردبوو لەگەڵ هەمان ئەو دەوڵەتەی کە ۱٦ی ئۆکتۆبەر لەگەڵی ڕێککەوتن تان کرد بۆ لەناوبردنی پارتی و بنەماڵەی سەربەرزی بارزانی ، لەبەرامبەر تەسلیم کردنی تەواوی خاکی کوردستان ئەو دەوڵەتەش ئیران بوو ، بەڵام پارتی لە۳۱ی ئابی ۱۹۹٦ هەولیری لەدەست ئێوە و ئیران ڕزگار کرد و تەسلیم بەهیچ دوژمن و داگیرکەرێکی کوردی نەکرد و کردی بەیەکێك لە پایتەختە گرنگەکانی ناوچاکە .
ئەی لە ۱٦ی ئۆکتۆبەری ۲٠۱۷ چی ڕویدا، خەلکی کوردستان و ناوچەکوردستانیەکان بەپێشڕەوایەتی بارزانی ڕیفراندۆمێکی سەرکەوتوویان ئەنجامدا و تاپۆی رەشی کەرکوکیان دایەوە دەست کورد ، بەڵام بەشێکی زۆری حزبەکەی تۆ لەسەردەستی قاسم سولەیمانی کەرکوک و خانەقین و دوز کەخۆتان دەسەڵاتی باڵا بوون تێیدا فرۆشتیان بەهەمان دەوڵەتی ساڵی ۱۹۹٦ بەرامبەر بەلەناوبردنی بارزانی و پارتی و لەناوبردنی خەونی سەربەخۆیی کورد ، دیسانەوە لەم پیلانی خیانەتەش دا شکستان هێنا بەلام بەداخەوە ناوچەکوردستانیەکان تان پێشکەش بەسوپای پاسداران و حەشدی شەعبی کردەوە .

لە کۆتاییدا تەنها ئەوە بە مەلابەختیار دەڵێم کاکە مەلا ئەوەتەنها ئێمەی پارتی نین بە ۱٦ی ئۆکتۆبەر دەڵێین خیانەت بەڵکو ئەوە ( کاك کۆسرەت و شێخ جعفەر و نەجمەدین کەریم ) ئەندامانی مەکتەبی سیاسی حزبەکەتان دەڵێن خیانەتە ،، پاشان لێدوانەکانی ( پاڤێڵ و ئاراس  و وەستا رەسول و ئاسۆ مامەند ) باشترین گەواهی دەر و بەڵگەن لەسەر خیانەتی ۱٦ ی ئۆکتۆبەر ، ئیدی پیویست بەدادگا و لێکۆڵینەوە ناکات ، شوکر هۆشیارە خەلکی کەرکوک و کوردستان دەزانن چی روویدا .





ئەم هەواڵە 2773جار خوێندراوەتەوە
 
 
ڤیدیۆ گەلەری
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
لە پەخشی راستەوخۆی گێچەڵی سێکسی پێدەکرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad