English | عربی | Kurdî دواهەواڵ
ڕاستەوخۆ  
 
بەرهەم صالح چی لە کورد دەوێت ؟
2018-03-10 [02:27 AM]

نووسینی: سۆران خاکی


له ماوەی ڕابردوودا چەندین هەوڵی بەرهەم صالح دژی کوردستان ئاشکرابوون ، وەک ئەوەی لەسەردەمی کابینەکەی مالیکی دا بە ئاغای مالیکی وتبوو ، فەرموو هێز بنێرە سەر کوردستان و کێلگە نەوتیەکان بەهێز وەرگرەوە .
هەروەها لەسەروبەندنی خیانەتی ۱٦ی ئۆکتۆبەرو گەمارۆو گوشار خستنە سەر هەرێمی کوردستان لەبری خەمخۆری و ڕزگار کردنی هەرێم و ڕووبەڕووبوونەوەی ئەم پیلانە کەچی بەرهەم صالح وەک بەشداربوویەکی پیلانەکە داوای هەڵوەشاندنەوەی حکومەتی هەرێم و ڕاگەیاندنی حکومەتی ئینقازی دەکرد ،کە ئەمەش خۆی لەخۆی دا بەشێکی تری پیلانەکە بوو .
یەکێکی تر لەهەوڵەکانی بەرهەم صالح ئەوەبوو کە هەم بە سەرکردە شیعەکانی وتووە ڕێگری لەعەبادی بکرێت لە نەناردنی بوودجەۆ مووچەی هەرێم و هەمیش بەعەبادی ڕاگەیاندووە ئێوە مووچە مەنێرن من لە ماوەیەکی کەمدا حکومەتی هەرێم ناچار بە هەڵوەشاندنەوە دەکەم لەڕێگەی جوڵاندنی شەقامی کوردی ودروستکردنی ئاژاوەو پشێوی .
لە نوێترین هەوڵیشی دا لەم چەند ڕۆژەی دوایی دا کە سەرجەم ئاماژەکان بەرەوئەوەبوون کە حکومەتی هەرێم و بەغدا بەرەو لێک تێگەیشتن و ڕێککەوتنی کۆتایی دەچن گەیشتونەتە قۆناغی کۆتایی و ئاستی واژوو کردنی ڕێککەوتنەکە ، بەڵام لە میدیاکانی نزیک لە بەرهەم صالح و بەشێک له میدیای سنووری سلێمانی ڕایان گەیاندووە پەیوەندییەکی تەلەفۆنی له نێوان بەرهەم صالح و حەیدەر عەبادی دا ئەنجامدراوە لەسەر چارەسەرکردنی پرسی بوودجەو مووچە ، ئەمەش جێگەی گومانە ، هەوڵەکانی بەرهەم لە ڕابردوودا ئاماژەی باشیان نەبووە ئەمە لەلایەک لەلایەکی تریش حکومەتی هەرێم و سەرۆک وەزیران لایەنی پەیوەندی داری باسکردن و چارەسەرکردنی کێشەی بوودجەو مووچەو سەرجەم کێشە هەڵپەسێردراوەکانی ترن نەک حزب و لایەن و بەرپرسانی حزبی .

هەوڵەکانی بەرهەم صالح یش لەو دوایەدا ڕوونە بۆ بانگەشەی هەڵبژاردنە بۆ کۆکردنەوەی دەنگ و ڕاکێشانی هەست و سۆزی شەقام بەلای هاوپەیمانێتیەکەی لە بەغدا هان دەدات کە هیچ ڕێککەوتنێک ئەنجام نەدات تا زیاتر دۆخی ئابووری هەرێم خراپتر بێت بەوەش دۆخەکە لەبەرژەوەندنی بەرهەم صالح کۆتایی دێت ، لەلایەکی تریش لەئەگەری ڕێککەوتنی هەردوولادا دەیەوێ وا پیشان بدات کە کاریگەری پەیوەندییەکانی ئەو بووه وایکردووە بگەن بەو ڕێککەوتنەو هەبوونی ئەوان گرنگ و پێویستە لە ئێستاو داهاتوودا ، بەڵام ئەبێ ئەوە  بزانین هەبوونی بەرهەم صالح لەناو یەکێتی دا کە شەریکی حوکمڕانی هەرێم بووه چەنده بەرهەم داربووه بۆ کوردستان ، لە ئێستاش دا بە حزبە نوێیەکەیەوە هەر هێنده بەرهەم دار دەبێت .





ئەم هەواڵە 2791جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad