English | عربی | Kurdî دواهەواڵ
ڕاستەوخۆ  
 
دەرمانی ساختە لە كوردستان بڵاو دەكرێتەوە
2018-03-13 [09:52 AM]

​ZNA – هه‌ولێر


چەند جۆرە حەب و دەرمانێكی ساختە لە ناوەڕاست و باشووری عێراق دەهێندرێنە كوردستان و وەزارەتی تەندروستیش هۆشداری لە بارەیانەوە دەدات و هاوڵاتیانى لێ ئاگادار دەكرێتەوە.

د.گۆران ڕۆژبەیانی بەرێوەبەری  كۆنترۆِلی دەرمان لە وەزارەتی تەندروستی بە باسی راگەیاند:  پاش بە دواداچوونی تیمەكانمان چەند جۆرە دەرمانێكی ساختە ئاشكرا بوونە، ئەو دەرمانانه‌ لە ناوەڕاست و باشووری عێراق هاتوون، دەرمانەكان  ماددەی كاریگەریان كەم تێدایە و تەنها پارە پەیداكردنە و پەیوەندیان بە كۆمپانیای رەسەنی دەرمان نیە.

روونی كردەوە چەندن كەس بەهۆی مامەڵەكردن بەو جۆرە دەرمانانە دەستگیركراون و هەندێك كۆگا و  دەرمانخانەش داخراون.

ئەو بەرپرسەی وەزارەتی تەندروستی یەكێك لەو دەرمانانە دەخاتەڕوو كە ساختەن"دوای بەدواداچوون و پشکنینی له تاقیگەکانی خۆمان، بۆمان دەرکەوت که حەبی "Atacand 8mg" که رێککەوتی بەرهەمهێنانەکەی "6/2015"یه، به ژماره باچی "NAED" دەقاودەق خاسیەتەکانی نییه و هیچ کاریگەریەکی چارەسەری نییه و ساختەیە.

 رۆژبەیانی جۆرە دەرمانێكی تری ساختەی خستەڕوو گوتی: دوای ئاگادار بوونمان له بوونی جێڵی جۆری "Olfen Gel" به ژماره باچی "N 52335" له بازاڕەکانی دەرمان، تیمی چاودێریی بازاڕ دەستی بەسەردا گرت و دوای پشکنینی له تاقیگەکانی بەڕێوەبەرایەتیەکەمان، دەرکەوت که ئەم ماددەیه دەقاودەق خاسیەتەکانی نییه و هیچ کاریگەرییەکی چارەسەریی نییه و رێژەی مادده چالاکەکەی سفڕه.

بەرێوەبەری  كۆنترۆِلی دەرمان دەشڵێت:داوا له هاوڵاتیان دەکەین له بەکارهێنانی ئەم حەب و درەمانە ساختانە  خۆیان بپارێزن، داواش له دەرمانخانه و کۆگاکانی دەرمان و هاوڵاتیان دەکەین له هەر شوێنێکی بازاڕی بەرچاویان کەوت،  ئاگاداریان بکەنەوه.

 

 

 





ئەم هەواڵە 8434جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad