English | عربی | Kurdî دواهەواڵ
ڕاستەوخۆ  
 
ئەیاد عەلاوی: یاسای بووجەی عێراق پێشێلکاری و کێشەی یاسایی زۆری تێدایە
2018-03-18 [12:27 PM]

ZNA- ھەولێر


جێگرێكى سه‌رۆك كۆمار، ڕای ده‌گه‌یه‌نێت، به‌هۆى پێشێلكاریی ده‌ستووریی، فوئاد مه‌عسووم یاسای بودجه‌ى گشتیی عێراقی بۆ په‌رله‌مان نارده‌وه‌. جه‌ختیشیكرده‌وه‌، كه‌ ڕێژه‌ى بودجه‌ى هه‌رێمى كوردستان، سیاسییه‌ و بۆ فشارخستنه‌ سه‌ر هه‌رێمه‌.

 

ئه‌یاد عه‌لاوى، جێگرى سه‌رۆك كۆمارى عێراق، له‌ به‌رنامه‌یه‌كی ته‌له‌فزیۆنیدا، ڕایگه‌یاند: "یاسای بودجه‌ پێشێلكاریی و كێشه‌ى ده‌ستوورى زۆرى تێدایه‌، بۆیه‌ سه‌رۆك كۆمار بۆ په‌رله‌مانى گه‌ڕانده‌وه‌، ئه‌وه‌ش مافی خۆیه‌تى".

 

جه‌ختیشی كرده‌وه‌، كه‌ پێشتر په‌رله‌مان هه‌ڵه‌ى كرد له‌وه‌ى ده‌سه‌ڵاتى ته‌واوى به‌ حه‌یده‌ر عه‌بادى، سه‌رۆك وه‌زیران دا: "ئه‌مه‌ له‌سه‌ر گۆى زه‌ویدا شتى وا نییه‌ و نه‌بووه‌".

 

باسى له‌وه‌ش كرد، كه‌ ئه‌وكاته‌ى سه‌رۆكى حكوومه‌ت بووه‌، ڕێژه‌ى 17%ى بودجه‌ى به‌ هه‌رێمى كوردستان داوه‌، له‌به‌ر پێشمه‌رگه‌ و پرسه‌ ئیدارییه‌كان، هه‌روه‌ها بۆ بووژاندنه‌وه‌ى ژێرخانى هه‌رێم، بووه‌، گوتیشی: "ڕێژه‌ى بودجه‌ى هه‌رێم له‌ یاسای بودجه‌ى سیاسییه‌ و بۆ فشارخستنه‌ سه‌ر كوردستانه‌".

 

پێشتر سه‌رۆكایه‌تى كۆمارى عێراق، ڕای گه‌یاند، كه‌ فوئاد مه‌عسووم، سه‌رۆكى كۆمار، یاسای بودجه‌ى بۆ په‌رله‌مان گه‌ڕانده‌وه‌: "زیاتر له‌ خاڵى تێدایه‌ كه‌ پێچه‌وانه‌ى یاسای به‌كاربه‌ره‌كانن".





ئەم هەواڵە 784جار خوێندراوەتەوە
 
 
ڤیدیۆ گەلەری
چەند دیمەنێک لە لافاوەکە فەرەنسا
ڤیدیۆیی .. شەقامی خۆت و چانسی خۆت
ڤیدیۆیی .. ساتی کوشتنی تارا فارس
ھەڵۆیەک ھەوڵی رفاندنی منداڵێک دەدات
چەند دیمەنێکی سامناکی زریان و گەردەلوولەکەی ئەمریکا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad