English | عربی | Kurdî دواهەواڵ
ڕاستەوخۆ  
 
شاندی په‌رله‌مانی كوردستان دۆخی عه‌فرین له‌گه‌ڵ سێناتی فه‌ڕه‌نسا تاووتوێ کرد
2018-03-20 [02:57 AM]

ZNA-هەولێر


له‌ چوارچێوه‌ی سه‌ردانه‌كه‌یاندا بۆ ده‌ره‌وه‌ى وڵات، ڕۆژی ١٩ی ئادارى-2018، شاندی په‌رله‌مانی کوردستان، له‌ باڵه‌خانه‌ی ئه‌نجوومه‌نی سێناتی فه‌ڕه‌نسا، له‌گه‌ڵ ژماره‌یه‌ک سیناتۆری فه‌ڕه‌نسی و سه‌رۆکی لیژنه‌ی به‌رگری و لیژنه‌ی په‌یوه‌ندیی ده‌ره‌وه‌ و سه‌رۆکی گرووپی دۆستایه‌تیی فه‌ڕه‌نسا و کوردستان له‌ ئه‌نجوومه‌نی سێنات کۆبۆ‌وه.

له ‌سه‌ره‌تای کۆبوونه‌وه‌که‌دا شاندی په‌رله‌مان سوپاس و ستایشی په‌رله‌مان و خه‌ڵکی کوردستانیان له‌ڕێگه‌ی سیناتۆره‌کانه‌وه‌ پێشکه‌ش به‌ حکومه‌ت و گه‌لی فه‌ڕه‌نسا کرد، بۆ پشتیوانی و پشتگیریان له‌ گه‌لی کوردستان، هه‌ر له‌ بڕیاری ٦٨٨ی ئه‌نجوومه‌نی ئاسایش و دوای ڕاپه‌رین تا شه‌ڕی تیرۆریستانی داعش و پاشان هه‌ڵگرتنی گه‌مارۆی دیپلۆماسی له‌سه‌ر کوردستان که‌ فه‌ڕه‌نسا ڕۆلی گرنگی هه‌بووه‌.

هه‌ر له‌ کۆبوونه‌وه‌که‌دا به‌وردی باس له‌ دۆخی عه‌فرین وکاره‌ساتی مرۆیی عه‌فرین و ناوچه‌که‌ کرا و داوا له‌ وڵاتی فه‌ڕه‌نسا کرا، ڕوڵی خۆی بگێڕێ له‌ وه‌ستاندنی ئه‌و کاره‌ساته‌ مرۆییه‌و هاوکاریکردنی لێقه‌ومان.

هه‌ڵبژاردنی ئاینده‌ی عێراق و کوردستان و شه‌ڕی تیرۆریستانی داعش و ڕه‌وشی ئاواره‌کان و پێکه‌وه‌ژیانی هه‌رێمی کوردستان و گفتوگۆ و دانوستاندنی نێوان هه‌ولێر و به‌غدا، ته‌وه‌رێکی دیكه‌ی گفتوگۆکان بوو.

شایه‌نی باسه‌ شانده‌که‌ی په‌رله‌مان پێکهاتووه‌، له‌ جێگری سه‌رۆکی په‌رله‌مان دکتۆر جه‌عفه‌ر ئیبراهیم ئێمینکی و بێگه‌رد تاڵه‌بانی، سکرتێری په‌رله‌مان و ئومێد خۆشناو، سه‌رۆکی فراکسیۆنی پارتی و به‌هزاد زێباری، سه‌رۆکی فراکسیۆنی یه‌کگرتووی ئیسلامی و دکتۆره‌ ڤاڵا فه‌رید، سه‌رۆکی لێژنه‌ی كاروباری یاسایی و زانا عه‌بدولڕه‌حمان، سه‌رۆکی لیژنه‌ی په‌یوه‌ندییه‌کان و یه‌عقوب گۆرگیس، سه‌رۆکی فراکسیۆنی ئاشوری و دلشاد شه‌ریف ڕاوێژکاری په‌رله‌مان و عه‌لی دۆڵه‌مه‌ری، نوێنه‌ری حکومه‌تی هه‌رێمی کوردستان له‌ فه‌ڕه‌نسا.





ئەم هەواڵە 1516جار خوێندراوەتەوە
 
 
ڤیدیۆ گەلەری
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
لە پەخشی راستەوخۆی گێچەڵی سێکسی پێدەکرێت
خەونی ھەمو ئافرەتێک , کەسێکی ئاوای ھەبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad