 |
|
|||
ZNA-هەولێر له چوارچێوه‌ی دیدار و کۆبوونه‌وه‌کانی شاندی په‌رله‌مانی کوردستان، له باڵه‌خانه‌کانی په‌رله‌مانی فه‌ڕه‌نسا، کۆبوونه‌وه‌یه‌ک له‌گه‌ڵ ژماره‌یه‌ک په‌رله‌مانتاری فه‌ڕه‌نسی که پێکهاتبوو له سه‌رۆکی گرووپی دۆستایه‌تیی فه‌ڕه‌نسی کوردی و ئه‌ندامانی گرووپه‌که به‌ڕێوه‌چوو. له کۆبوونه‌وه‌که‌دا به‌گرنگییه‌وه باس له ئامانجی دروستبوونی گرووپی دۆستایه‌یتی فه‌ڕه‌نسی کوردی کرا. شایه‌نی باسه ئه‌و گرووپه ماوه‌یه‌کی که‌مه دروستبووه‌و بیست و شه‌شی ئه‌و مانگه یه‌که‌م کۆبوونه‌وه‌ی خۆی ده‌کات و له هه‌ژده ئه‌ندامی په‌رله‌مانی فه‌ڕه‌نسی پێکهاتووه و ژماره‌یه‌ک په‌رله‌مانتاری دیكه‌ش به‌نیازی به ئه‌ندامبوونن له‌و گرووپه. له دیداره‌که‌دا، باس له پڕۆسه‌ی سیاسیی کوردستان و گفتوگۆی نێوان هه‌ولێر و به‌غدا و پێشێلکارییه ده‌ستوورییه‌کان کرا که له‌لایه‌ن حکومه‌تی عێراقه‌وه کراون. شه‌ڕی تیرۆریستانی داعش و ئامانجه‌کانی ڕیفراندۆم ته‌وه‌رێکی دیكه‌ی کۆبوونه‌وه‌که بوون. سه‌رۆک و ئه‌ندامانی گرووپه‌که، باوه‌ڕ و خواستی خۆیان نیشاندا که سه‌ربه‌خۆیی کوردستان جگه له‌وه‌ی مافی خه‌ڵکی کوردستانه، باشترین ڕێ و ڕێگه‌ى چاره‌سه‌رییه و سه‌ربه‌خۆیی کوردستان ده‌بێته هۆکاری ئارامی ناوچه‌که و دووباره‌نه‌بوونه‌وه‌ی مه‌رگه‌سات و جینۆساید. ئەم هەواڵە 1654جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad