English | عربی | Kurdî دواهەواڵ
ڕاستەوخۆ  
 
حکومەتی هەرێم سیستمی پاشەکەوت دەستکاری دەکات
2018-03-27 [12:06 PM]

ZNA-هەولێر


بەرپرسی ئینستیوتی ئابوری ئەمریکی - کوردی رایگەیاند: زۆرترین رێژەی پاشەکەوتی موچە %٣٠ دەبێت و کەمترین پاشەکەوتی موچە %١٠ دەبێت.

تارا شوان بەرپرسی ئینستیوتی ئابوری ئەمریکی - کوردی بە ئاژانسی هەواڵی زاگرۆسی راگەیاند: دوای ئەوەی حکوومەتی عێراق لە سالی ۲۰۱٤ە بەشە بوجەی هەرێمی کوردستانی بڕی هەرێم کەوتە قەیرانی داراییە لەبەر ئەوەی لە بەغدادەوە بەشە بودجەی هەرێمی کوردستان نەدەنێردرا بۆ هەرێم و هەروەها نرخی نەوت بەشێوەیەکی بەرچاو گۆرانکاری بەسەردا هاتو نرخەکەی دابەزی، حکومەتی هەرێمی کوردستانی سیستمی پاشەکوتی موچەی راگەیاند بریاردرا موچەی موچەخۆرانی هەرێمی کوردستان بەپێی پلەو ئیمتیازاتەکانیان کەمبکرێتەوە.

گۆتیشی: حکومەتی هەرێم لەرێگەی پارەی نەوتە و هەروەها پارەی داهاتی ناوخۆ موچەی بۆ فەرمانبەران دابیندەکرد.

تارا شون ئاماژەی بەوەشکرد: لە ساڵی ٢٠۱٦ە وە حکومەتی هەرێم بە سیستمی پاشەکەوت موچەی بۆ فەرمانبەران دابین دەکرد ئەم بریارەش راستەو خۆ کاریگەری شەقام و موچەخۆرانی لێکەوتەوە و لە چەند شارێکی هەرێمی کوردستان خۆپیشاندان لە بەرامبەر سیستمی نوێی موچەو پاشەکەوتی موچەدا بەرێوە چوو.

ئەوەشی خستەروو: لە ئێستادا لەزۆربەی شارو شارۆچکەکانی هەرێمی کوردستان دژی سیستمی پاشەکەوتی موچە خۆپیشاندان بەرێوەدەچێـت، ئەمەش لە کاتێکدایه کە حکوومەتی هەرێمی کوردستان پێش چەژنی نەورۆز کار لەسەر کەمکردنەوەی پاشەکەوتی مووچەی فەرمانبەرانی دەکرد.

بەرپرسی ئینستیوتی ئابوری ئەمریکی - کوردی کۆتیشی: ئەمە لەکاتێکدایە لەماوەی رابردوودا حکومەتی عێراق رایگەیاندبوو کە موچەی فەرمانبەرانی هەرێمی کوردستان دابین دەکات و بەپێی سیستمی سەرەتای واتە سیستمی کۆنە موچەی فەرمانبەران و موچەخۆرانی هەرێمی کوردستان داببین دەکات. بەڵام پاش تێپەرینی زیاتر لە چەند مانگێک حکومەتی عێراق پابەندی بریارەکەی خۆی نەبوو بەتەواوەتی موچەی فەرمانبەرانی هەرێمی کوردستانی رەوانە نەکرد. راگەیاند: هەر ئەمەش بووە هۆی ئەوەی کە حکومەتی هەرێمی کوردستان بە پلانی سیستمی موچەدا بچێتەو و دەستکاری لە سیستمی نوێی موچەی فەرمانبەران بکات.

ڕاشیگەیاند: حکومەتی هەرێمی کوردستان لە هەفتەی ئایندەدا سیستمی نوێی مووچە رادەگەیەنێت کە تێیدا کەمکردنەوە پاشەکەوتی موچە بەم شێوەیەی لێدێت کە زۆرترین رێژەیی پاشەکەوتی موچە %٣٠ دەبێت و کەمترین پاشەکەوتی موچە %١٠ دەبێت.

ئاماژەی بەوەشکر: پێدەچێت ئەم بریارەی حکومەتی هەرێمی کوردستان بتوانێت بازاری هەرێمی کوردستان و هەروەها بارودۆخی خەڵکی کوردستان ببوژێنێتە و ئابووری هه رێم بەرەو پێشەوە ببات.

تارا شوان لە درێژەی لێدوانەکەیدا بۆ (ئاژانسی هەواڵی زاگرۆس) گۆتی: بەپێی بەدواداچونەکانی ئینستیوتی ئابوری ئەمریکی کوردی، هەرێمی کوردستان لە ئایندەیەکی نزیکدا ئابوریەکەی بەرەو جێگیر بوون هەنگاودەنێت و دەتوانێت سیستمی ئابوري هەرێمی کوردستان ببوژێنێتەوە و نوێ بکاتەوە بەمەرجێک نرخی نەوت لەبازاردا بەم شێوەیەی ئێستا جێگیر بکرێت، سیستمی باج و زەریبەی ناوخۆی و دەرەکی بەشێوەیەیکی مەدەنی رێکبخێرێتەوە.

اسماعیل حکیم





ئەم هەواڵە 27403جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad