English | عربی | Kurdî دواهەواڵ
ڕاستەوخۆ  
 
پەیامی پیرۆزبایی دەستەی سەربەخۆی مافی مرۆڤ بەبۆنەی ھاتنەوەی جەژنی قیامە
2018-04-01 [04:56 AM]

ZNA- هەولێر


 

دەستەی سەربەخۆی مافی مرۆڤ له پەیامێکدا جەژنی قیامەی له مەسیحییەکان پیرۆز کرد.

 

ئەمەش دەقی پەیامەکەیه:

 

"پیرۆزبایی خۆمان ئاڕاستەی خوشک و برایانی مەسیحی(کلدانی ، سریانی و ئاشوری) لە کوردستان و عێراق و ناوچەکە بەگشتی دەکەین بەبۆنەی ھاتنەوەی جەژنی قیامەو ئەکیتۆ سەری ساڵی بابلی ئاشوریەوە.

 

ئەو جەژنە لەکاتێکدایە ئەمسال خوشک و برا مەسیحیەکان دوای ماڵوێرانی و دەربەدەری و ئاوارە بوون بۆ ماوەی ٣ساڵ لە ناوچەکانی خۆیان و قوربانی دان لەژێر دەستی گروپی داعش و دوور لە شوێن و خاکی خۆیان بەڵام ئەمساڵ دوای ئازاد کردنی بەشیک لە ناوچەکانیان گەڕانەوەو ئەو جەژنە لە ماڵەکانی خۆیان دەکەنەوە و بەداخەوەش ھێشتا بەشێکیان لە ئاوارەیی دەژین.

 

ئەگەرچی بەداخەوە لەدوای ھێرشەکانی گروپی داعش و داگیرکردنی ناوچەکانیان بەتایبەت لە دەشتی نەینەوا دەیان خێزان و گەنجی مەسیحی ئەو ناوچانە کۆچیان کرد بۆ دەرەوەی وڵات و بەناچاری خاکی خۆیان بەجێھێشت ئەو خاکەی کە ئەوان بەدریژایی مێژوو لەو خاکە ژیاون و بەشێک بوونە لە دروست بوونی شاراستانیەتەکانی ئەو ناوچانە لەکاتی خۆی و قوربانیان بۆ داوە و سەرەڕای ئەوەی لە ناوەڕاست و باشوریش ڕووبەڕووی دەرکردن و کوشتن و ھەڕەشەی بەردەوام بوونەتەوەو لەسەر ماڵ و کاری خۆیان دەردەکرێن.

 

ھەمیشە جەژنەکان دوای بۆنە و سەرکەوتن و لە کاتی مژدە بەخشین ھاتوونە، بۆیە ھیواداراین ھاتنەوەی جەژنی قیامە بۆ خوشک و برایانی مەسیحی بەتایبەت ببێتە مایەی گەڕانەوەی خۆشی و خەندە و مافەکانیان و بۆ ھەموو خەڵکی ھەرێمی کوردستانیش ببێتە مایەی ھاتنەوەی ئاشتی و سەقامگیری و خۆشبەختی و ئارامی شار و وڵات و خێزانەکان."

 

دەستەی سەربەخۆی مافی مرۆڤ *ھەرێمی کوردستان _١/٤/٢٠١٨





ئەم هەواڵە 1708جار خوێندراوەتەوە
 
 
ڤیدیۆ گەلەری
خەونی ھەمو ئافرەتێک , کەسێکی ئاوای ھەبێت
ھەڵوێستێکی جوانی محەمەد سەڵاح
خاڵ بەدەستھێنان ئاوا دەبێت
زۆر خراپ دەکەوێتە خوارەوە
لە قافا گیرا
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad