2018-04-03 [01:00 AM]

شێخ ئەحمه‌د بارزانی لە سەرەوەی مەجليس دانیشتووە و بارزانی باوک لە دەستی راستی و کاک ئیدریسی جوانەمەرگیش لای باوکی و مامی دانیشتووە. میوانێکی گەنج و روح سوک و یادگارییه‌کی کاک ئیدریس لە مەجلسەکەیە و میوانێکی ئازیزە. 
دلۆڤانى دڵان هێشتا زۆر رێگه‌ت له‌ به‌رده‌مدا بوو، كاروان هێشتا چاوى بڕيوه‌ته‌ ئاسۆ و گزنگى ده‌م كه‌لى سه‌ركه‌وتن و سه‌ربه‌خۆيى يه‌كجاره‌كى كوردستان، هێشتا واده‌ى كۆچى يه‌كجاره‌كيت نه‌بوو. هێشتا چاوت پڕ له‌ ئومێدى سه‌ركه‌وتن و رزگارى و سه‌ربه‌خۆيى كوردستان بوو. مه‌خابن، به‌ر له‌ گه‌يشتنى كاروان چاوى ئومێدت لێكنا و دنيايه‌ك هيوا و ئاواتى هه‌ژار و بێ پشت و په‌ناكانت له‌گه‌ڵ خۆت برد.
به‌ڵام هێشتا كۆتايى رێگه‌ نييه‌ بۆ تۆ، ژيانى ئه‌به‌ديت له‌ كۆڕى شێخى گه‌وره‌ و بارزانى نه‌مر و باوكيشى هه‌ميشه‌ له‌يادت ده‌ستپێبكه‌. له‌وێ رووحى پڕ له‌ نوورى ئه‌وان به‌ هه‌واڵى سه‌ركه‌وتنى كوردستان و رۆشنى رێگه‌ى كاروانى سه‌ربه‌رزى ئه‌وان شاگه‌شكه‌ بكه‌. 
دلۆڤانى دڵان، له‌وێ له‌ كۆڕى گه‌وره‌ پياوانى مێژووى دوور و نزيكى كورددا، باسى کاریزمایی و شەونخونی سەرۆک بارزانی بۆ سه‌ربه‌خۆيى و كاك نێچيرڤانى ئاوه‌ڵدوانه‌ت بۆ ئاوەدانی و كاك مه‌سروورى پشت و په‌نا و ئامۆزا بۆ ئاسایش و سه‌قامگيرى وڵات بۆ هه‌موو كه‌سمان، بگێڕه‌وه‌.
وای لەو كۆڕ و مه‌جليسه‌ و دلۆڤانی روح سوک دەبێ چەندە دڵخۆش بێت، دەبێ چەند تامەزرۆی ئەو کاتە بووبێت، تاوه‌کو بەو گەورە پیاوانە بگاتەوە.
فرمێسکەکانی جەنابی سەرۆک بارزانی و کاک نێچیرڤانی برا و کاک مه‌سروری ئامۆزا و ھاوڕێى منداڵی و چەندین ساڵەی له‌ ئاواره‌يى و ده‌ره‌وه‌ى وڵات
دەبێت چەندە بە ئازار بێت..
خودایە بە گەوره‌يی خۆت بارانى سه‌بر و ئارامگرتن به‌سه‌ر دڵى هه‌موو ماڵباتى بارزانى و هه‌موو دڵسۆزانى رێبازى پيرۆزى بارزانى نه‌مردا ببارێنى.
سەفه‌رت خێر وگۆڕت پڕنوور.. میوانە ئازیزەکەی باب و باپير و شێخی گەورە.