English | عربی | Kurdî دواهەواڵ
ڕاستەوخۆ  
 
دوای ئازادكردنی، سەرۆکی پـێشووی کەتەلۆنیا داوای چارەسەری سیاسی دەکات
2018-04-07 [04:06 AM]

ZNA - هه‌ولێر


 

سەرۆکی پـێشووی هەرێمی کەتەلۆنیای ئیسپانیا داوا لە حکومەتی ناوەندی لە مەدرید دەکات وتووێژ لەگەڵ ڕێبەرانی هەرێمەکەی دەسـتپـێبکات تاوەکو بە چارەسەرێکی سیاسی بۆ كێشه‌ی كه‌ته‌لۆنیا بدۆزنه‌وه‌.

 

دوێنێ هەینی کارلس پـودگیمۆنت لە پاش ئازادکردنی لە زیندان بەپـێی بڕیاری دادگای باڵا لە شاری شلێزڤێگ، گوتی" ساڵانێکی دورودرێژە داوای وتووێژدەکەین، بەڵام جگە لە توندوتیژی و سەرکوتکردن هیچمان نەدی."

 

پاشان گوتی" هیچ بیانویەک بۆ دەسەڵاتدارانی ئیسپانیا نیـیە وتووێژ لەگەڵ ڕێبەرانی سیاسی کەتەلۆنیا نەکەن."

 

جێی ئاماژەیە سەرۆکی پـێشووی هەرێمی کەتەلۆنیا لە 25 ی مانگی سێـیەوە لە لایەن دەسەڵاتدارانی ئەڵمانیاوە دەسـتگیرکرا لەسەر داوای حکومەتی ئیسپانیا کە تاوانباری دەکەن بە یاخیبوون لەسەر ئەو ڕیفراندۆمەی ساڵی ڕابردوو بۆ سەربەخۆیی لە هەرێمەکەی ئەنجامیان دابوو.

رۆژی پێنجشه‌ممه‌ی رابردوو دادوەری دادگای هەرێمی شلێزڤێگ- هۆلشتاین لە باکوری ئەڵمانیا گوتی کارلس پـودگیمۆنت ڕادەستی ئیسپانیا ناکرێتەوە، تەنیا مەگەر پارەی گشتی خواردبێت، نەک وەک ئەوەی مەدرید داوا دەکات بە تۆمەتی یاخیبوون ڕادەستی بکرێتەوە.

دوێنێ هەینی بە ده‌سته‌به‌ری 75 هەزار یورۆ ئازادکرا.





ئەم هەواڵە 9268جار خوێندراوەتەوە
 
 
ڤیدیۆ گەلەری
چەند دیمەنێکی سامناکی زریان و گەردەلوولەکەی ئەمریکا
یەکەم گۆڵی رۆنالدۆ لەگەڵ یانەی یۆڤانتس
منداڵێک بەشێوەیەکی سەرسوڕھێنەر لە رووداوێکی ھاتووچۆ رزگاری دەبێت
پێشبڕکێیەکی ئەسپ سواری کارەساتی لێدەکەوێتەوە
گەنجێک ئافرەتێک لە مردن رزگار دەکات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad