English | عربی | Kurdî دواهەواڵ
ڕاستەوخۆ  
 
هاوڵاتیان لە زیانەکانی ئەم پاککەرەوە ئاگادار دەکرێنەوە
2018-04-08 [05:15 AM]

ZNA- هەولێر


 

بەھۆی دەستکاری کردنی لیبڵەکانیەوە، لە کۆکایەکی شاری سلێمانی دەست بەسەر بڕێکی زۆر ماددەی خاوێنکردنەوەدا دەگیرێت و خاوەنەکەی رووبەرووی یاسا دەکرێتەوە.

 

"گۆران قادر" سەرۆکی لیژنە ھاوبەشەکانی قائیمقامیەتی سلێمانی رایگەیاند: لە کۆگاکانی کۆمپانیای سێڤی دەست بەسەر بڕێکی زۆر لیبڵی چاپکراودا گیراوە کە خاوەنەکەی بەویستی خۆی و بۆ درێژکردنەوەی ماوەی بەسەرچوونی ماددەکانی خاوێنکردنەوە بەکاریھێناوە.

 

گۆران قادر گوتی: جۆری ئەو ماددانەی بۆ خاوێنکردنەوە بەکاردەھێنرێت شلەمەنیەکانە و زیاتر بۆ لابردنی پەڵەو پیسی سەرکاشی بەکاردێت، کەبۆنێکی تیژی ھەیە و زیان بە تەندروستی مرۆڤ بەگشتی و بەتایبەت کۆئەندامی ھەناسە دەگەیەنێت.

 

گوتیشی: خاوێنکەرەوەکە ناوی "شتاب"ـە و لە بازاڕ بە ملخوار ناودەبرێت کە لەووڵاتی ئێرانەوە ھاوردە کراوە، بەکارھێنانی ئەوجۆرانە لە خاوێنکەرەوەکان زیانبەخشە و لەکاتی بەسەرچوونیشی زیانەکەی چەند بەرامبەر دەبێت.

 

راشیگەیاند: سەرجەم لیژنە ھاوبەشەکان ئاگادار کراونەتەوە خاوێنکەرەوەی "شتاب" لە ھەر دوکان یان مارکێتێکدا ھەبێت و بفرۆشرێت دەستی بەسەردابگرن بۆ لەناوبردنی.

 

ھەروەھا، دەستکاریکردنی لێبڵی سەر کاڵاوشمەکەکان و گۆڕینی زانیارییەکانی یاخود درێژکردنەوە ماوەی بەسەرچوونەکەی سەرپێچی و فێڵی بازرگانییە و لەلایەن لیژنە ھاوبەشەکانەوە سەرپێچیکار رووبەرووی یاسا دەکرێتەوە.

 

گۆران قادر ئاماژەی بۆ ئەوەش کرد، دەست بەسەر تەواوی ماددە خاوێنکەرەوەکانی شتابی کۆمپانیای "سێڤی‌"دا گیراوە و لەلایەن لیژنەی تایبەتەوە لەناودەبرێت و خاوەنەکەشی رووبەرووی یاسا دەکرێتەوە.

 

سەرۆکی لیژنە ھاوبەشەکانی قائیمقامیەتی سلێمانی داوا لە خانمان و کابانی ناوماڵ دەکات لەبەرئەوەی خاوێنکەرەوەی شتاب ماوەی بەسەرچوونەکەی دەستکاریکراوە بەکارینەھێنن، خاوێنکەرەوەکانی تریش بەوریاییەوە مامەڵەی لەگەڵدا بکەن، لەکاتی زۆر پێویستدا نەبێت بەکاری نەھێنن و لەوکاتەشدا کەمامە ببەستن تا خۆیان لەزیانەکانی بپارێزن.





ئەم هەواڵە 4498جار خوێندراوەتەوە
 
 
ڤیدیۆ گەلەری
مارێک ئافرەتێک قووت دەدات , تکایە سەرووی ١٨ ساڵ
یەکەم جارە ماسی لەم شێوەیە ببیندرێت
خۆی فڕێدەداتە بەردەم بارھەڵگرێک، بزانە چی لێدێت
پێکدادانی دوو فرۆکە
بوونەوەرێکی نامۆ لە فلپین دەردەکەوێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad