English | عربی | Kurdî دواهەواڵ
ڕاستەوخۆ  
 
دابەشکردنی مووچەی وەزارەتی شەهیدان و ئەنفالکراوان رۆژێک دوادەکەوێت
2018-04-10 [12:07 PM]

ZNA- هه‌ولێر


مووچەی وەزارەتی کاروباری شەھیدان و ئەنفالکراوان و، خانەوادەی شەھیدان و ئەنفالکراوان و زیندانییانی سیاسی رۆژێک دوادەکەوێت، گوتەبێژی وەزارەتەکش دەڵێت ھۆکارەکەی ئەوەیە تاوەکو ئێستا لیستی مووچەخۆران بە سیستەمی نوێی پاشەکەوت بەتەواوی ئامادەنەکراوە.

بەپێی خشتەی مووچەی وەزارەتی دارایی و ئابووریی ھەرێمی کوردستان. دەبووایە ئەمڕۆ سێشەممە ١٠-٤-٢٠١٨، مووچەی  فەرمانبەرانی وەزارەتی شەھیدان و ئەنفالکراوان و، خانەوادەی شەھیدان و ئەنفالکراوان و زیندانییانی سیاسی دابەشبکرێت، بەڵام ئەمڕۆ دابەشناکرێت و بۆ سبەی دواخراوە،

فوئاد عوسمان، گوتەبێژی وەزارەتی کاروباری شەھیدان و ئەنفالکراوانی حکومەتی ھەرێمی کوردستان راگەیاند: "ھەرچەندە ئەمڕۆ بۆ دابەشکردنی مووچەی فەرمانبەرانی وەزارەت و، وارسی سەربەرزی شەھیدان ‌و ئەنفالکراوان و زیندانییانی سیاسی دیاریکرابوو، بەڵام بەھۆی تەواونەبوونی لیستی مووچە لە وەزارەت، دابەشکردنی مووچەکانیان دواکەوت".

گوتەبێژی وەزارەتی کاروباری شەھیدان و ئەنفالکراوان ئاماژەی بەوەش کرد کە سبەی چوارشەممە ١١ی نیسان، مووچەی وارسی شەھیدان ‌و ئەنفالکراوان و زیندانییانی سیاسی لەگەڵ فەرمانبەرانی وەزارەتەکە دابەشدەکرێت.

لە ھەرێمی کوردستان نزیکەی ١٠٠ ھەزار کەس مووچەی وارسی  شەھیدان ‌و ئەنفالکراوان ‌و زیندانییانی سیاسی وەردەگرن، وەزارەتی کاروباری شەھیدان و ئەنفالکراوانیش نزیکەی ھەزار و ٥٠٠ فەرمانبەری ھەیە.

لە ٤ی ئەم مانگەوە بە سیستەمی نوێی پاشەکەوت دەست بە دابەشکردنی مووچەی مانگی یەکی ٢٠١٨ کراوە، تاوەکو ئێستاش مووچەی وەزارەتەکانی پەروەردە، تەندروستی،  دارایی و ئابووری، خوێندنی باڵا و توێژینەوەی زانستی دابەشکراوە.


سەرچاوە: رووداو
 





ئەم هەواڵە 7885جار خوێندراوەتەوە
 
 
ڤیدیۆ گەلەری
سەگێک کچێک لە خنکان رزگار دەکات
سەمایەکی کیکی بەکارەسات کۆتایی پێدێت
ببینە ھاندەرانی بەرازیل چۆن بەرد بارانی ھەڵبژاردەکەیان دەکەن
وانەی وەرزش لە ژاپۆن
به‌ ڤيديۆ.. جيهانى ئه‌مڕۆمان چى به‌سه‌ردا هاتووه‌
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad